Bolqarıstan yığmasının və "Nefteximik" klubunun futbolçusu Ventsislav Xristov karyerasının ən unudulmaz anını xatırlayıb.
Sportnet.az-ın məlumatına görə, bu barədə 29 yaşlı yarımmüdafiəçi "Sport Turbo"ya açıqlamasında bildirib. O, Azərbaycan millisi ilə görüşdəki qolunu özü üçün "ən dəyərli" adlandırıb: "Bu, mənim yığmada debüt matçım idi. Meydana sonradan daxil olsam da, qol vurmağı bacarmışdım. Bu qolu unutmayacağam".
Qeyd edək ki, Ventsislav Xristovun bəhs etdiyi oyun 2014-cü il sertyabrın 9-da "Bakcell Arena"da Azərbaycan və Bolqarıstan milliləri arasında keçirilib. Meydana 83-cü dəqiqədə daxil olan Xristov bundan 4 dəqiqə sonra komandasının qələbə topunu vurub - 2:1.
