2017/2018 mövsümü üçün hazırlığı davam etdirən "Sumqayıt” təlim-məşq toplanışının I mərhələsini başa vurub.
Sportnet.az-ın məlumatına görə, Sumqayıt təmsilçisi dünən "Kapital Bank Arena”da sonuncu məşqinə çıxıb.
Heyətdə zədəli futbolçu yer almır. Əsasən toplu çalışmalara üstünlük verən Samir Abasovun yetirmələri təxminən 1,5 saat məşq edib.
Qeyd edək ki, baş məşqçinin planına əsasən komanda 2 gün istirahət edəcək. "Sumqayıt” iyulun 15-də səhər saatlarında Türkiyəyə yola düşəcək.
