"Qarabağ”a qarşı açıq oyun sərgiləməməliyik. Meydan sahibi olsaq da, ehtiyatlı davranmalıyıq”.
Sportnet.az-ın məlumatına görə, bunu Moldova "Şerif”inin futbolçusu Vitali Damaşkan Çempionlar Liqasının III təsnifat mərhələsinin cavab görüşündən əvvəl jurnalistlərə açıqlamasında deyib. 18 yaşlı hücumçu fikirlərini belə əsaslandırıb: "Bizim üçün yaxşı olardı ki, Bakıdakı kimi qapalı oynayaq. Çünki "Qarabağ”da hücuma qoşulmağı bacaran yaxşı oyunçular var. Onlar yaxşı əks-hücumlar qururlar. Biz Bakıdakı kimi oynamalı və əsk-hücumlara bel bağlamalıyıq”.
Damaşkan azarkeşlərdən dəstək gözlədiklərini də söyləyib: "O qədər azarkeş qarşısında ilk matçda qazandığımız nəticə bizə sərf edir. İstəyirəm ki, bizə də azarkeşlərimiz güclü dəstək olsunlar. Necə ki, Bakıda bunu fanatları "Qarabağ” üçün etmişdilər”.
Xatırladaq ki, "Şerif" - "Qarabağ" oyunu avqustun 1-i keçiriləcək. Bu komandaların Bakıdakı ilk matçı 0:0 hesabı ilə yekunlaşıb.
