Fransanın "Nitsa" klubunun futbolçuları Hollandiya "Ayaks"ını Çempionlar Liqasının III təsnifat mərhələsində üstələdikdən sonra emosiyalarını gizlətməyiblər. Sportnet.az-ın məlumatına görə, "Nitsa" "Ayaks"la səfər qarşılaşmasında 2:2 hesablı heç-heçənin ardından paltardəyişmə otağında böyük sevinc hissi ilə mərhələ adlamalarını qeyd edib.
Bu komandaların Fransadakı ilk qarşılaşmasında 1:1 hesablı heç-heçə qeydə alınıb. Hollandiyada isə "Nitsa" daha çox qol vurduğu üçün Çempionlar Liqasının "pley-off"una yüksəlib.
Beləliklə, Avropa Liqasının son finalçısı olan "Ayaks" qitənin ən nüfuzlu klub turnirindən kənarda qalıb.
Qeyd edək ki, "Nitsa"nın qalmaqalları ilə məşhur futbolçusu Mario Balotelli zədə üzündən Hollandiyadakı oyuna yollana bilməyib.
