Azərbaycanı Avropa Liqasında təmsil etmiş "İnter" və "Zirə" komandaları arasında yoxlama oyunu keçirilib.
Sportnet.az-ın məlumatına görə, Bakı Olimpiya Stadionunun ehtiyat meydançasında baş tutmuş matçda Ayxan Abbasovun komandası 2:1 hesabı ilə qalib gəlib.
"Zirə"nin qollarını Təmkin Xəlilzadə və David Manqa vurub. "İnter"in heyətində isə Mirsahib Abbasov fərqlənib.
Qeyd edək ki, hər iki klub Avroliqada mübarizəni II təsnifat mərhələsində dayandırıb.
