Portuqaliya milli komandasının futbolçusu Kriştianu Ronaldu İspaniya "Real Madrid"inin heyətində məşqləri bərpa edib.
Sportnet.az-ın klubun rəsmi saytına istinadən məlumatına görə, 32 yaşlı hücumçu məşqin ilk hissəsini komandanın qalan üzvləri ilə birgə tamamlayıb. Sonra isə o, fərdi proqramla çalışıb.
Ronaldu Portuqaliya millisinin bürünc medal qazandığı Konfederasiyalar Kubokundan sonra məzuniyyətdə idi.
Qeyd edək ki, avqustun 8-də "Real Madrid" İngiltərə "Mançester Yunayted"i ilə UEFA Super Kuboku uğrunda matçda üz-üzə gələcək.
