"Qarabağ”ın vitse-prezidenti Tahir Gözəl klubun qurucularından olan Hacıəkbər Rüstəmovla görüşüb.
Sportnet.az-ın məlumatına görə, görüş Danimarka paytaxtında Azərbaycan komandasının "Kopenhagen"lə keçirəcəyi Çempionlar Liqasının "pley-off" mərhələsinin cavab oyunundan əvvəl məşq vaxtı gerçəkləşib.
Hər iki şəxs məşqi canlı izləyib. T.Gözəl və Ağdamda batalyon komandiri olmuş H.Rüstəmov "Qarabağ” haqda danışıblar.
Qeyd edək ki, avqustun 23-də keçiriləcək görüş Bakı vaxtı ilə saat 22:45-də başlayacaq. Komandalar arasında ilk oyun "Qarabağ"ın 1:0 hesablı qələbəsi ilə başa çatıb.
