Avropa çempionatının final mərhələsindəki ilk oyununda Fransanı 5:3 hesabı ilə məğlub etmiş Azərbaycan millisinin heyətində het-tirik müəllifi Thaqo Telez "Bolinya” qarşılaşmadan sonra Azərbaycan Futzal Federasiyasının mətbuat xidmətinin suallarını cavablandırıb. Sportnet.az həmin müsahibəni təqdim edir...
- Meydana çıxanda həyəcan, təzyiq var idi?
- Fransa - İspaniya oyununun nəticəsi hiss olunurdu. Ancaq biz özümüzə inanırdıq. Çox çətin oyun oldu. Bunu əvvəlcədən bilirdik. Onlar ispanlara qarşı oyunda yaxşı nəticə əldə etmişdilər. Bizim komanda da yaxşı hazırlıq keçmişdi. Buna görə də əla nəticə göstərdik. Artıq ¼ finala vəsiqə qazanmışıq. Yenə deyirəm, ağır zəhmətin nəticəsində bunu əldə etdik. İşimizi daham etdirəcəyik ki, bu nəticənin davamını gətirək.
- Het-trik etdiniz. Hansı ki, hesabda geri düşmüşdünüz və vurduğunuz qollarla demək olar, oyunun taleyini böyük ölcüdə həll etdiniz. Özünüzü oyunun qəhrəmanı hesab edirsinizmi?
- Hər zamankı kimi hazırlaşmışdım və bu qolları vurdum. Bunu mən özbaşına etmədim. Komanda yoldaşlarımın köməyi olmasaydı, nə edə bilərdim ki? Biz komandayıq və kollektiv şəkildə bu qələbəni qazandıq. Vacib olan komandanın qələbə qazanmasıdır. Bu uğurda payımız varsa, sevinməyə haqqımız çatır. Fərqi yoxdur, başqa komanda yoldaşım da 3 qol vura bilərdi. Bizi yekunda tablodakı nəticə maraqlandırır. Yenə deyirəm, komanda yoldaşlarım kömək etməsə, bu qolları vura bilmərəm. Ona görə də özümü qəhrəman hesab etmirəm. Bu, hamımızın nəticəsi, qazancıdır.
- İkinci hissənin əvvəlində rəqib hesabı lehinə çevirəndə bir anlıq nə düşündün?
- Oyunun gedişində belə hallar olur. Başlayan kimi beşinci saniyədə qol buraxmaq ağırdır. Ancaq bir-birimizə sakit olmalı, toparlanmalı olduğumuzu dedik. Alesio da kənardan müdaxilələr etdi. Vacib olan məqam özünəinamdır ki, bu da bizdə var idi.
- Növbəti rəqib İspaniya olacaq. Son çempionla dueldə qrup liderliyini qorumaq mümkün olacaqmı?
- Çox çətin oyun olacaq. Onlar yenə çempionluğa namizəddirlər. Birinci oyunda xallar itiriblər. Çalışacaqlar ki, onu bizimlə oyunda bərpa etsinlər. Hər iki komanda üçün ağır oyun olacaq. İspaniya bütün dünyada ən güclülüərdəndir. Bizim komanda da sayılıb-seçilənlərdəndir.
