İspaniyanın "Real Madrid" və Almaniyanın "Bavariya" klubları arasında keçiriləcək futbol üzrə Çempionlar Liqasının yarımfinal oyunları yeni rekordla əlamətdar olacaq.
"Report"un məlumatına görə, iki komanda Avropanın ən nüfuzlu klub turnirində 25-ci və 26-cı dəfə üz-üzə gələcəklər. İndiyədək heç bir cütlük avrokuboklarda bu qədər görüşməyib.
Qeyd edək ki, "Bavariya" və "Real Madrid" aprelin 25-də Münhendə, mayın 1-də isə İspaniya paytaxtında qarşılaşacaqlar. Digər yarımfinal görüşü İngiltərə "Liverpul"u ilə İtaliya "Roma"sı arasında keçiriləcək.
