"Barselona" klubu İspaniya La Liqasında məğlubiyyətsiz oyunlar sayında rekorda imza atıb.
Sportnet.az xəbər verir ki, Kataloniya komandası XXXII tur matçında "Valensiya" üzərində 2:1 hesablı qələbədən sonra uduzmadığı görüşlərin sayını 39-a çatdırıb. Bu qarşılaşmada hesabı 15-ci dəqiqədə Luis Suares açıb. 51-ci dəqiqədə Samuel Yumtiti fərqi artırıb. Qonaqların təsəlli qoluna 86-cı dəqiqədə Daniel Parexo imza atıb. Beləliklə, "Barsa" 32 oyundan 82 xalla liderliyini davam etdirib. "Valensiya" isə 65 xalla 3-cü pillədə qalıb.
Bundan əvvəlki rekord göstərici "Real Sosyedad"a məxsus olub. Komanda 1979-1980-ci illərdə məğlubiyyətsiz 38 matç keçirib.
