"Barselona" klubu ardıcıl 4-cü dəfə İspaniya Kubokunun qalibi olub.
Sportnet.az-ın məlumatına görə, Kataloniya təmsilçisi həlledici görüşdə "Sevilya"ya 5:0 hesabı ilə qalib gəlib. Madriddəki "Metropolitano" stadionunda keçirilmiş qarşılaşmada Luis Suares 14 və 40-cı dəqiqələrdə "dubl" edib. Daha bir qolu 31-ci dəqiqədə Lionel Messi vurub. Fasilədən sonra 52-ci dəqiqədə Andres İnyesta, 69-cu dəqiqədə isə penaltidən Filippe Koutinyo fərqlənib.
Beləliklə, "Barsa" tarixində 30-cu dəfə Kral Kubokuna yiyələnib ki, bu da rekorddur. 9-cu dəfə finalda çıxış etmiş "Sevilya" isə hələlik 5 dəfə ölkə kuboku sevinci yaşayıb.
Bu klublar 2016-cı ildə də finalda qarşılaşmış və həmin vaxt kataloniyalılar qalib olmuşdu - 2:0.
