"Sumqayıt”ın Topaz Premyer Liqasında məğlubiyyətsiz oyunlar seriyası qırılıb.
Sportnet.az-ın PFL-in rəsmi saytına istinadən məlumatına görə, çempionatda ardıcıl 11 görüşdə uduzmayan Samir Abasovun baş məşqçi olduğu komanda XXIV turun "Qarabağ”la ev matçında 0:1 hesabı ilə yenilib.
Bunadək "gənclik şəhəri” təmsilçisi sonuncu dəfə XII turda məğlub olmuşdu. 2017-ci il noyabrın 17-də Ağdam klubuna səfərdə 0:2 hesabı ilə uduzan sumqayıtlılar 156 gündən sonra meydanı xalsız tərk edib.
Bu, həm də "Sumqayıt”ın Premyer Liqada 40-cı ev məğlubiyyətidir. Öz meydanında 109 qarşılaşma keçirən komanda bu matçadək 39 dəfə uduzmuşdu.
