İspaniyanın "Real Madrid" klubunun futbolçusu Kriştianu Ronaldu Çempionlar Liqasını bombardir kimi başa vurub.
Sportnet.az-ın məlumatına görə, portuqaliyalı hücumçu 13 oyunda 15 qol vurub. O, qollarından 4-ünə penalti ilə imza atıb. Ronaldu həm də 3 məhsuldar ötürmə müəllifi olub.
İkinci yeri 15 oyuna 11 qolla İngiltərə "Liverpul"unun yarımmüdafiəçisi Məhəmməd Salah tutub.
Salahın finalda da fərqlənmək istəyinə 31-ci dəqiqədə çiyin zədəsi üzündən əvəzlənməsi mane olub. Ronaldunu isə uzatma dəqiqələrində qol vurmaq imkanından meydana daxil olan azarkeş məhrum edib. Bu zaman serbiyalı referi Milorad Majiç oyunu dayandırmalı olub.
Digər tərəfdən, Ronaldu Çempionlar Liqasını ardıcıl 5-ci dəfə qazanan ilk futbolçu kimi tarixə düşüb. Bunadək 33 yaşlı forvard Klarens Zeedorf, Xavi, Adres İnyesta, Lionel Messi və Jerar Pike ilə eyni sayda - 4 dəfə bu mükafatı qazanmışdı. O, "Real Madrid"lə 4 (2014, 2016 - 2018), İngiltərə "Mançester Yunayted"i ilə 1 dəfə (2008) Avropanın ən nüfuzlu klub turnirinin qalibi olub.
