"Sumqayıt" klubu daha bir futbolçusu ilə müqavilə müddətini uzadıb.
Sportnet.az-ın klubun rəsmi saytına istinadən məlumatına görə, müdafiəçi Rail Məlikov 2018/2019 mövsümündə də "gənclik şəhəri" təmsilçisinin şərəfini qoruyacaq. Məlikov 2016-cı ildən çıxış etdiyi komandada daha bir mövsüm qalacaq. 32 yaşlı müdafiəçi arxada qalan mövsümdə "Sumqayıt"ın heyətində 22 qarşılaşmada 1784 dəqiqə meydanda olub.
Tezliklə qapıçı Mehdi Cənnətovla da yeni sözləşmə imzalanacaq.
Qeyd edək ki, "Sumqayıt” yay fasiləsində müdafiəçilər Vurğun Hüseynovla Bəxtiyar Həsənalızadənin, eləcə də yarımmüdafiəşi Cavid Tağıyevin müqaviləsinin müddətini uzadıb. Əvəzində hücumçu Amil Yunanov klubu tərk edib, Fərhad Vəliyev isə karyerasını başa vurub.
