Topaz Premyer Liqasında IV turun son oyunu keçirilib.
Sportnet.az xəbər verir ki, "Neftçi" təmirdən sonra yenidən istifadəyə verilən "Bakcell Arena"da "Keşlə"ni qəbul edib. Görüş meydan sahiblərinin 2:0 hesablı qələbəsi ilə yekunlaşıb. İlk qolu 88-ci dəqiqədə Anton Krivotsyuk vurub. Son nöqtəni isə uzatma dəqiqələrində əks-hücumdan sonra Baqali Dabo qoyub.
Bununla da "Neftçi" xallarını 10-a yüksəldərək, liderliyini davam etdirib. "Keşlə" isə 1 xalla sonuncu pillədə qalıb.
Qeyd edək ki, turun əvvəlki oyunlarında "Qarabağ" "Sumqayıt"ı, "Sabah" "Qəbələ"ni yenib. "Səbail" - "Zirə" matçında isə qalib müəyyənləşməyib.
-----------------------------
Futbol üzrə Azərbaycan Premyer Liqasında IV turun daha bir oyunu keçirilib.
Sportnet.az xəbər verir ki, həftənin üçüncü matçında debütant "Sabah" "Qəbələ"ni qəbul edib. "Əlincə Arena"da baş tutan görüşün taleyini 23-cü dəqiqədə meydan sahiblərinin hücumçusu Marko Deviçin vurduğu qol həll edib - 1:0.
Bombardirlik yarışında lider olan ukraynalı forvard cari çempionatda 6-cı qoluna imza atıb.
Bu qələbədən sonra xalını 9-a çatdıran "Sabah" 1-ci pilləyə yüksəlib. Hesabında 4 xalı olan "Qəbələ" isə 4-cü sıradadır.
Qeyd edək ki, IV turun ilk iki oyununda "Qarabağ" evdə "Sumqayıt"ı məğlub edib - 1:0. "Səbail" - "Zirə" görüşündə isə 1:1 hesablı heç-heçə qeydə alınıb. Həftəyə saat 21:00-da start götürəcək "Neftçi" - "Keşlə" matçı ilə yekun vurulacaq.
--------
Bu gün Topaz Premyer Liqasında IV turun son iki qarşılaşması keçiriləcək.
Sportnet.az xəbər verir ki, əvvəlcə debütant "Sabah" "Əlincə Arena"da "Qəbələ"ni qəbul edəcək. Bu komandalar indiyədək qarşılaşmayıblar. İlk 3 turdan sonra "Sabah" 6 xalla 3-cü, "Qəbələ" 4 xalla 4-cü pillədə qərarlaşıb.
Turun son matçında isə "Neftçi" və "Keşlə" komandaları münasibətlərə aydınlıq gətirəcək. Paytaxt klubları Premyer Liqada 55 oyunda üz-üzə gəliblər. 27 oyunda "Neftçi", 14-də isə "Keşlə" qələbə qazanıb. 14 qarşılaşma isə heç-heçə bitib. Topların fərqində də flaqmanın aşkar üstünlüyü var - 84:58. Rəqiblər 10 oyundur heç-heçə etmir. Komandalar arasındakı son 9 matçda 2 və ya daha çox qol vurulub. "Neftçi” son 5 ev qarşılaşmasında qələbə qazanıb.
Hazırda "Neftçi" 7 xalla liderdir, "Keşlə" isə 1 xalla sonuncu pillədə qərarlaşıb.
Topaz Premyer Liqası, IV tur
16 sentyabr (bazar)
19:00. "Sabah” – "Qəbələ” 1:0
Qol: Marko Deviç, 23
Qırmızı vərəqə: Məqsəd İsayev, 76 ("Sabah")
Hakimlər: Rauf Cabbarov, Elşən Acalov, Elşad Abdullayev, Rəvan Həmzəzadə
AFFA nümayəndəsi: Seymur Səlimli
Hakim-inspektor: Murad Məmmədov
"Əlincə Arena”
21:00. "Neftçi” – "Keşlə” - 2:0
Qollar: Anton Krivotsyuk, 88. Baqali Dabo, 90+4
Hakimlər: Ramil Diniyev, Knyaz Əmiraslanov, Elman Kərimov, İnqilab Məmmədov
AFFA nümayəndəsi: Ramiz Mustafayev
Hakim-inspektor: Xaqani Məmmədov
"Bakcell Arena”
Qeyd edək ki, turun ilk 2 oyununda "Qarabağ" "Sumqayıt"ı 1:0 hesabı ilə yenib, "Səbail" - "Zirə" matçında isə qalib müəyyənləşməyib - 1:1.
