Topaz Premyer Liqasında VII turun daha bir oyunu keçirilib.
Sportnet.az-ın məlumatına görə, "Neftçi" "Bakcell Arena"da debütant "Sabah"ı qəbul edib. Görüş meydan sahiblərinin 2:0 hesablı qələbəsi ilə yekunlaşıb. Orxan Məmmədovun idarə etdiyi görüşdə hesabı 9-cu dəqiqədə Emin Mahmudov açıb. 62-ci dəqiqədə Qoran Paratski yekun nəticəni müəyyənləşdirib. 76-cı dəqiqədə isə Slavko Braliç ikinci sarı vərəqəni alaraq, meydandan qovulub.
Bu qələbə sayəsində xallarını 19-a çatdıran "Neftçi" I dövrəni vahid lider kimi başa vurub. 10 xalı olan "Səbail" və "Sumqayıt"la birgə 3 -5-ci yerləri bölüşdürür.
Qeyd edək ki, turun əvvəlki oyunlarında "Zirə" "Qəbələ"ni 1:0, "Səbail" "Sumqayıt"ı 2:0 hesabı ilə yenib. "Keşlə" - "Qarabağ" matçı isə təxirə salınıb.
-------------------------------------
Topaz Premyer Liqasında VII turun daha bir oyunu keçirilib.
Spoetnet.az xəbər verir ki, "Bayıl Arena"da "Səbail" "Sumqayıt"ı qəbul edib. Matç meydan sahiblərinin 2:0 hesablı qələbəsi ilə başa çatıb. Komandanın qollarına Fəhmin Muradbəyli və Ruslan Qurbanov imza atıblar. Onlar müvafiq olaraq, 4 və 32-ci dəqiqələrdə qol vurublar.
Qurbanov 9-cu dəqiqədə penaltidən yararlana bilməyib. Onun zərbəsini rəqib qapıçı dəf edib.
Bu nəticədən sonra "Sumqayıt", "Səbail" və "Sabah" 10 xalla 3-5-ci pillələri bölüşür.
Qeyd edək ki, turun ilk oyununda "Zirə" "Qəbələ"ni məğlub edib - 1:0. "Neftçi" hazırda "Sabah"la birinci hissəsi oynanılan görüşdə 1:0 hesabı ilə öndədir. "Keşlə" - "Qarabağ" qarşılaşması isə təxirə salınıb.
------
Futbol üzrə Azərbaycan Premyer Liqasında VII tura star verilib.
Sportnet.az xəbər verir ki, turun ilk matçında "Zirə” "Qəbələ”ni qəbul edib. "Dalğa Arena”da baş tutan qarşılaşma "Zirə”nin 1:0 hesablı qələbəsi ilə başa çatıb. Görüşdə yeganə qolu 85-ci dəqiqədə Miloş Radivoyeviç vurub.
Çempionatda ilk qələbəsini qazanan qəsəbə təmsilçisi 4 xalla 7-ci pilləyə yüksəlib. "Qəbələ” isə 5 xalla 6-cı yerdədir.
Qeyd edək ki, turun digər matçında "Səbail” "Sumqayıt”la üz-üzə gəlir. "Neftçi” – "Sabah” görüşü isə 20:15-də başlayacaq.
----------------
Bu gün Topaz Premyer Liqasında VII turun görüşləri keçiriləcək.
Spotnet.az-ın məlumatına görə, ilk dövrənin son turunda 4 qarşılaşmadan 3-ü baş tutacaq. "Qarabağ"ın "Keşlə" ilə səfər matçı 31 oktyabra təxirə salınıb. Bu, Ağdam komandasının müraciəti əsasında baş verib. 6 oktyabrda keçirilməli olan "Zirə" - "Qəbələ" qarşılaşmasının isə bir gün tez oynanılmasına qərar verilib. Bu görüş turun açılış matçına təsadüf edəcək.
Hər iki komanda cari mövsümdə elə də uğurlu oyun sərgiləmir. Samir Abasovun baş məşqçi postuna gəlişindən sonra da ardıcıl məğlubiyyətlərlə üzləşən "Zirə" hazırda 1 xalla sonuncu pillədə qərarlaşıb. "Qəbələ" isə 5 xalla 6-cı yerdə gedir.
Bu komandalar indiyədək çempionatda 12 dəfə üz-üzə gəliblər. Oyunlardan 3-də "Zirə", 4-də "Qəbələ" qalib gəlibsə, 5 görüş heç-heçə ilə yekunlaşıb. Topların nisbətində də "qırmızı-qaralar" üstündür - 15:11. Lakin "Zirə” son 3 ev oyununda uduzmayıb. "Qəbələ” 10, paytaxt təmsilçisi 6 matçdır meydanı qolsuz tərk etmir.
"Səbail" və "Sumqayıt" komandaları isə 5-ci dəfə qarşılaşacaqlar. Əvvəlki 4 görüşdən 1-də Bayıl komandası, 2-də "gənclik şəhəri" təmsilçisi qalib gəlibsə, daha 1 matç heç-heçə ilə nəticələnib. Topların nisbəti "Sumqayıt"ın xeyrinədir - 4:2. "Sumqayıt” səfərdəki hər iki matçda qələbə qazanıb. Ümumiyyətlə, bu görüşlərdə meydan sahibi olan tərəf qalib gəlməyib.
Bu mövsüm 6 oyundan 10 xal yığan "Sumqayıt"dah fərqli olaraq, "Səbail" də qeyri-sabit çıxış edir. Aftandil Hacıyevin baş məşqçi olduğu komanda 7 xalla 5-ci pillədədir.
Günün son matçında isə lider "Neftçi" debütant "Sabah"ı qəbul edəcək. Qonaqların baş məşqçisi Elşad Əhmədov daha əvvəl flaqmanın əvəzedici heyətinə və 1 oyunda əsas komandaya rəhbərlik edib. Hələlik "Sabah" Əhmədovun rəhbərliyi altında 6 oyundan 10 xalla 4-cü pillədə qərarlaşıb. "Neftçi" isə 16 xalla birinci pillədə gedir.
Topaz Premyer Liqası, VII tur
5 oktyabr (cümə)
18:00. "Zirə” – "Qəbələ” - 1:0
Qol: Miloş Radivoyeviç, 85
Hakimlər: Rauf Cabbarov, Nahid Əliyev, Elşad Abdullayev, Səbuhi Bayramov
Hakim-inspektor: Xaqani Məmmədov
AFFA nümayəndəsi: Eldar Qasımov
Dalğa Arena
19:00. "Səbail” – "Sumqayıt” 2:0
Qollar: Fəhmin Muradbəyli, 3. Ruslan Qurbanov, 31
İstifadə olunmamış penalti: Ruslan Qurbanov, 9 (qapıçı)
Hakimlər: Əliyar Ağayev, Zeynal Zeynalov, Rza Məmmədov, Vüqar Həsənli
Hakim-inspektor: Əhmədağa Cabbarov
AFFA nümayəndəsi: Eldəniz Musayev
Bayıl Arena
20:15. "Neftçi” – "Sabah” - 2:0
Qollar: Emin Mahmudov, 9. Qoran Paratski, 62
Qırmızı vərəqə: Slavko Braliç, 76 ("Neftçi")
Hakimlər: Orxan Məmmədov, Yaşar Abbasov, Akif Əmirəli, Nail Nağıyev
Hakim-inspektor: Şahin Cəfərov
AFFA nümayəndəsi: Əsgər Əmirəliyev
Bakcell Arena.
