"Qarşılaşmanı yaxşı keçirsək də, istədiyimiz qədər qol vurmaq alınmadı”.
Sportnet.az xəbər verir ki, bu sözləri milli komandamızın baş məşqçisi Qurban Qurbanov Malta ilə 1:1 hesablı heç-heçə etdikləri UEFA Millətlər Liqasının IV tur matçından sonra "CBC Sport"a açıqlamasında deyib. 46 yaşlı mütəxəssis oyundan razı qaldığını bildirib: "Oyunçular çox əziyyət çəkdilər. Onlara deyəcək sözüm yoxdur. Çox istəkli idilər. Amma futbolda belə hallar olur. Qalib gəlmək istəyirdik. Çıxışımız çox yaxşı alındı. Əfsus ki, çox qol vura bilmədik”.
Qeyd edək ki, görüş 1:1 hesablı bərabərliklə başa çatıb.
