İngiltərənin "Lester" klubunun sahibi Viçay Şrivaddxanaprabhaya məxsus vertolyotun qəzaya uğrama səbəbi müəyyənləşib.
Sportnet.az-ın BBC-yə istinadən məlumatına görə, helikopter quyruq vintinin işləməməsi nəticəsində öz oxu ətrafında dövrə vuraraq, parklama yerinə düşüb. Hadisə Lester şəhərində eyniadlı komandanın "Vest Hem"lə İngiltərə Premyer Liqasının X turunda 1:1 hesablı heç-heçə etdiyi "Kinq Pauer" stadionu yaxınlığında baş verib.
Britaniya mətbuatı Şrivaddxanaprabhanın da göyərtədə olduğunu və öldüyünü iddia edir. Lakin hələ bununla bağlı rəsmi təsdiq yoxdur.
Qeyd edək ki, Viçay Şrivaddxanaprabha "Lester"i 2010-cu ildə alıb. Klub 2015-2016 mövsümündə tarixində ilk dəfə İngiltərə çempionu olub. Bu mövsüm isə "şəhərlilər" 10 turdan sonra 12-ci pillədə qərarlaşıb.
