"Qarabağ"ın qapıçısı Hannes Halldorsson İslandiya çempionu "Valür"dən konkret təklif alıb.
Sportnet.az-ın "Fréttablaðsins"ə istinadən məlumatına görə, 35 yaşlı qolkiperə "Reykyavik"dən daha yaxşı müqavilə şərtləri irəli sürülüb. Meneceri Olafur Qardarsson bildirib ki, Halldorssonla İsveç və Norveç klubları da maraqlanır. Lakin təcrübəli qapıçı "Valür"lə danışıqlar aparır. Digər tərəfdən, o, daha 1,5 illik müqavilə üzrə məxsus olduğu "Qarabağ"ın da icazəsini almalıdır.
Qeyd edək ki, bir müddət əvvəl Hannes Halldorsson "Qarabağ"da 3 qapıçının çox olduğunu və bu səbəbdən, komandanı tərk etməsinin mümkünlüyünü açıqlayıb.
