Avropa çempionatının əsas mərhələsində çıxış edən 19 yaşadək futzalçılardan ibarət Azərbaycan yığma komandası Kiprlə qarşılaşıb.
Sportnet.az xəbər verir ki, Sloveniyadakı Podçetrtek İdman Sarayında keçirilmiş görüş ada-dövlətin böyük hesablı qələbəsi ilə yekunlaşıb - 7:1. Oyuna rəqib üstün başlayıb və fasiləyə qədər 4 cavabsız top vurub. İkinci hissədə də nominal qonaqlar fərqi artırıb. Turnirdə millinin ilk qolunu isə Hüseyn Qarayev rəqib qapısından keçirib.
Qrupda keçirilmiş digər oyunda Hollandiya yığması Sloveniyadan güclü olub - 5:4.
Azərbaycan yığması növbəti oyununu bu gün saat 19:30-da Hollandiya komandasına qarşı keçirəcək. Oyunu Damian Jaruçeviç (Polşa), Marko Rotenflu (İsveçrə) və Yuri Neverov (Rusiya) idarə edəcək.
Azərbaycan – Kipr 1:7 (0:4)
27 mart. Podçetrtek İdman Sarayı. Saat 22:45
Hakimlər: Marko Tothenfluh (İsveçrə), İvo Tsenov (Bolqarıstan), Damian Jaruchievicz (Polşa)
Qollar: H. Qarayev, 35:47 // M. Loizou, 03:46, 18:17, T. El Kebbe, 07:58, V. Papadopoulos, 11:51, 26:18, Ç. Koulloupa, 25:25, 28:37
Sarı vərəqələr: İ. Pənahov, 35:01, R. Rüstəmov, 39:20
Azərbaycan: 1. Vladislav Reznov (q),2. İqbal Pənahov (k), 3. Tofiq Hüseynov, 4. Turan Əhmədov, 7. Nurlan Mehdizadə, 12. Niyaz Əhmədov (q), 5. Rauf Rüstəmov, 6. Sabir Həsənov, 8. Hüseyn Qarayev, 9. Rafael Mütəllimov, 10. Kənan Əsədli, 17. Nicat Quluzadə
Baş məşqçi: Ağatahir Əzimov
Kipr: 1. Georgios Eliades (q), 5. Çaris Koulloupa, 8. Savvas Poyiatzis, 10. Aleksis Tsitsos (k), 14. Mamas Loizou, 12. Kiriakos Economides (q), 2. Taha El Kebbe, 4. İlias Kypri, 6. Theodoros Papapanagiotou, 7. Dimitrios Angelis, 9. Stavros Tsampalas, 11. Vasilis Papadopoulos
Baş məşqçi: Krisostomos Krisostomou.