PSV komandası Hollandiya Erediviziyasında XXI əsrin rekordunu müəyyənləşdirib.
Sportnet.az-ın məlumatına görə, Eyndhoven təmsilçisi ardıcıl 28-ci qarşılaşmada qol vurub. Çempionat başlayandan hər oyun qol vuran PSV son olaraq, evdə "Zvolle"ni darmadağın edib - 4:0. Bununla da xallarını 70-ə çatdıran "qırmızı-ağlar" ilk pilləyə qayıdıblar. 68 xala malik "Ayaks" isə ikinci pilləyə enib.
Qeyd edək ki, PSV 28 tur ərzində 84 qol vurub. Marko van Bommelin baş məşqçi olduğu kollektiv hər oyunda fərqlənib.
