Azərbaycan Premyer Liqasında IV turun daha bir oyunu keçirilib.
Sportnet.az-ın məlumatına görə, turun üçüncü matçında "Keşlə" "Zirə"ni qəbul edib.
"ASK Arena”dakı qarşılaşma "Zirə"nin 3:2 hesablı qələbəsi ilə yekunlaşıb. Görüşdə ilk qol 10-cu dəqiqədə vurulub. "Keşlə"nin heyətində Silvio Rodriqes fərqlənib. 21-ci dəqiqədə "Zirə" Klesio Baukun qolu sayəsində hesabı bərabərləşdirib.
İlk hissə bu hesabla başa çatıb. 54-cü dəqiqədə Dmitro Klots meydan sahiblərini yenidən hesabda önə keçirib. 68-ci dəqiqədə Klesio Bauk özünün və komandasının ikinci qoluna imza atıb. "Zirə"nin gürcüstanlı hücumçusu Davit Volkov 79-cu dəqiqədə penaltini dəqiq yerinə yetirib.
Bu nəticədən sonra xallarının sayını 7-ə yüksəldən "Zirə" 1-2-ci, 5 xalı olan "Keşlə" isə 5-6-cı yerləri bölüşdürür.
Qeyd edək ki, turun digər matçlarında "Qarabağ" "Sumqayıt"la heç-heçə edib - 2:2. "Səbail" isə "Sabah"a qalib gəlib - 2:1. Tura sentyabrın 27-də "Neftçi" - "Qəbələ" oyunu ilə yekun vurulacaq.
-------------
Azərbaycan Premyer Liqasında IV turun növbəti görüşü keçirilib.
Sportnet.az-ın məlumatına görə, "ASCO Arena"da "Səbail" "Sabah"ı qəbul edib. Baş hakim Elçin Məsiyevin idarə etdiyi görüş meydan sahiblərinin əzmkar qələbəsi ilə yekunlaşıb - 2:1.
İlk 2 qol penaltidən vurulub. 27-ci dəqiqədə qonaq komandadan Ramil Şeydahsv şübhəli penaltini qola çevirib. 56-cı dəqiqədə Əfran İsmayılov bərabərlik qolunu vurub. Oyunda son nöqtəni isə 71-ci dəqiqədə Rauf Əliyev yekun nöqtəni qoyub.
Bu qələbə sayəsində xalını 3-ə çatdıran "Səbail" son pillədən qurtulub və 7-ci yerə yüksəlib. 6 xala malik "Sabah" isə 2-cidir.
-----------------
Bu gün Azərbaycan Premyer Liqasında IV turun daha 2 oyunu keçiriləcək. Sportnet.az-ın məlumatına görə, qarşılaşmalar paytaxtda təşkil olunacaq.
Günün ilk matçı "ASCO Arena"da "Səbail" və "Sabah" komandaları arasında gerçəkləşəcək. Hazırda "Sabah" 3 oyundan 6 xalla 2-ci, xalı olmayan "dənizçilər" isə sonuncu pillədə qərarlaşıb.
İndiyədək yerli çempionatda 7 dəfə üz-üzə gəlmiş komandaların duelində qonaqlar 3, meydan sahibləri 2 qələbə qazanıblar. 2 qarşılaşmada isə qalib müəyyənləşməyib. Topların fərqi də "Sabah"ın xeyirinədir - 9:7. Visente Qomesin başçılıq etdiyi komanda son 4 oyunda rəqibinə uduzmayıb. “Səbail” isə son iki ev matçında qol vurmağı bacarıb.
Günün digər oyununda "Keşlə" "ASK Arena"da "Zirə"ni qəbul edəcək. Hazırda Yunis Hüseynovun rəhbərlik etdiyi komanda 5 xalla 5-cidir. Rəşad Sadıqovun baş məşqçi olduğu kollektiv isə 4 xalla 6-cı yerdə gedir.
Bu, komandaların Premyer Liqada 20-ci qarşılaşması olacaq. Bunadək baş tutmuş 19 görüşdə meydan sahibləri rəqibini 6 dəfə məğlub edib. "Qartallar" 5 dəfə qələbə sevinci yaşayıblar. 8 görüş isə heç-heçə ilə yekunlaşıb. "Keşlə"nin vurduğu 22 qola "Zirə" 20 qolla cavab verib. Son 5 qarşılaşmanın hərəsində ən azı 2 qol olub. “Keşlə” ardıcıl iki ev matçında quru hesabla qalib gəlib.
Azərbaycan Premyer Liqası, IV tur
26 sentyabr (şənbə)
18:00. “Səbail” – “Sabah” - 2:1
Qollar: Əfran İsmayılov, 56 (pen.). Rauf Əliyev, 71 - Ramil Şeydayev, 27 (pen.)
Hakimlər: Elçin Məsiyev, Elşad Abdullayev, Kamran Bayramov, Tural Qurbanov
Hakim-inspektor: Zöhrab Qədiyev
AFFA nümayəndəsi: Elgiz Abbasov
“ASCO Arena”
20:15. “Keşlə” – “Zirə” - 2:3
Qollar: Silvio Rodriges, 10. Dmitro Klots, 54 - Klesio Bauk, 21; 68. Davit Volkov, 79 (pen)
Hakimlər: Rəvan Həmzəzadə, Rahil Ramazanov, Cavanşir Yusifov, Namiq Bəkirov
Hakim-inspektor: Babək Quliyev
AFFA nümayəndəsi: Mübariz Hüseynov
“ASK Arena”
Qeyd edək ki, IV turun açılış matçında "Qarabağ" səfərdə "Sumqayıt"la heç-heçə edib - 2:2. Tura sabah "Dalğa Arena"da keçiriləcək "Neftçi" - "Qəbələ" oyunu ilə yekun vurulacaq.
