İrandan FIFA-ya növbəti şikayət

İran Futbol Federasiyası (FFIRI) 2026-cı il dünya çempionatında milli komandaya tətbiq olunan məhdudiyyətlərlə əlaqədar FIFA-ya rəsmi şikayət ünvanlamağa hazırlaşır.

Sportnet.az-ın məlumatına görə, G qrupunda iyunun 21-də Belçika ilə qarşılaşacaq İran millisinin ABŞ-nin Los Anceles şəhərinə oyundan cəmi 24 saat əvvəl gəlməsinə icazə verilib.

Yeni Zelandiya ilə qrupdakı ilk matçında 2:2 hesablı heç-heçə edən kollektivin qarşılaşmadan sonrakı planları da pozulub. Komandanın ertəsi gün bərpa məşqi keçirdikdən sonra ABŞ-də qalmaq istəyi qəbul edilməyib və nümayəndə heyətinin yenidən Meksikanın Tixuana şəhərindəki düşərgəsinə qayıtması tələb olunub.

Federasiya isə yaranmış vəziyyətlə bağlı FIFA-dan izahat tələb etməyə hazırlaşır. FFIRI-nın açıqlamasında bu qərarın turnirdə iştirak edən bütün komandalar üçün bərabər şərait prinsipinə uyğun gəlmədiyi vurğulanıb:

"Belə məhdudiyyətlərin iştirakçı komandalar üçün bərabər şərtlərin təmin olunması prinsipi ilə ziddiyyət təşkil etdiyinə və hazırlıq prosesinə mənfi təsir göstərə biləcəyinə inanırıq. Federasiya narazılığını rəsmi şəkildə bildirərək, müvafiq kanallar vasitəsilə FIFA-ya rəsmi şikayət təqdim edəcək. Buna baxmayaraq, İran millisi hazırlıq proqramını davam etdirəcək və bütün diqqətini Belçika ilə oyuna yönəldəcək".

Milli komandanın baş məşqçisi Amir Qalenoyi də vəziyyətdən narazılığını gizlətməyib. O, Yeni Zelandiya ilə oyundan sonra bildirib:

"Bizə dərhal ayrılmalı olduğumuzu dedilər. Bu vəziyyət bizi həqiqətən çətin durumda qoyur. Açığı, niyə geri göndərildiyimizi bilmirəm. Bu, çox qəribə görünür. Sanki planlamamızı bizim yerimizə başqaları edir. Komandamız dünya çempionatında ən çox təzyiqə məruz qalan komandadır".

Qeyd edək ki, iyunun 21-də "Sou Fay" stadionunda keçiriləcək Belçika - İran matçı Bakı vaxtı ilə saat 23:00-da başlanacaq.

« İyun 2026 »
Be	Ça	Ç	Ca	C	Ş	B
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

1	Sabah	33	78
2	Qarabağ	33	69
3	Turan-Tovuz	33	59
4	Neftçi	33	59
5	Zirə	33	53
6	Araz-Naxçıvan	33	46
7	Sumqayıt	33	41
8	Şamaxı	33	38
9	İmişli	33	34
10	Kəpəz	33	27
11	Qəbələ	33	27
12	Karvan-Yevlax	33	15

1	Şəfa	27	57
2	Mingəçevir	27	51
3	Səbail	27	50
4	Baku Sportinq	27	49
5	Şahdağ Qusar	27	43
6	MOİK	27	33
7	Zaqatala	27	28
8	Cəbrayıl	27	24
9	Şimal	27	20
10	Difai	27	18
Ətraflı

1	Xankəndi	27	76
2	Qaradağ Lökbatan	27	71
3	Quba	27	51
4	Şirvan	27	40
5	Dinamo	27	37
6	Şəmkir	27	33
7	Sheki City	27	30
8	Kür-Araz	27	27
9	Ağdaş	27	26
10	Göygöl	27	25
11	Ağstafa Gəncləri	27	24
12	Araz Saatlı	27	23	Ətraflı

İrandan FIFA-ya növbəti şikayət

SPORTNET TV

SAY-SEÇMƏ

FACEBOOK

TƏQVİM

ARXİV

SORĞU