"Kəpəz"in bazasında Zəfərlə başa çatan Vətən müharibəsinin iştirakçısı, vaxtilə bu komandanın da şərəfini qorumuş Yavəri Kərimov ilə görüş keçirilib.
Sportnet.az xəbər verir ki, iclasda icraçı direktor İlqar Nadiri də iştirak edib.
Qeyd edək ki, qəhrəman döyüşçü "sarı-göylər"in U-19 komandasına kimi yüksəlib. Ordu sıralarına çağırıldığından həqiqi hərbi xidmətə yollanıb. Xidməti başa vurduqdan sonra evə qayıtsa da, müharibənin başlanması ilə könüllü olaraq cəbhəyə yollanıb.
Döyüşlərdə göstərdiyi mərdliyə görə "Qubadlı, Cəbrayıl və Laçının işğaldan azad olunması medalları" ilə təltif olunub.
