UEFA Çempionlar Liqasında 1/4 final mərhələsinə start verilib.
Sportnet.az-ın məlumatına görə, ilk oyun günündə iki qarşılaşma keçirilib.
Gecənin ən maraqlı görüşü İspaniyada baş tutub. Evdə İngiltərənin "Liverpul" komandası ilə üz-üzə gələn "Real Madrid" rəqibini 3:1 hesabı ilə məğlub edib. Qarılaşmada ilk qol 27-ci dəqiqədə vurulub. Vinisius Junior "kral klubu"nu önə çıxarıb. 9 dəqiqə sonra Marko Asensio fərqi 2 topa çatdırıb. İlk hissə bu hesabla başa çatıb. İkinci yarıya daha yaxşı başlayan qonaqlar 51-ci dəqiqədə Məhəmməd Salahın qolu ilə buraxılan toplardan birinin əvəzini çıxıb. Lakin 65-ci dəqiqədə dubl edən Junior mersisaydlıları 3-cü dəfə meydanın mərkəzinə dəvət edib.
Digər oyunda isə "Mançester Siti" İngiltərədə Almaniyanın "Borussiya" (Dortmund) klubuna 2:1 hesabı ilə qalib gəlib. Matçda hesabı 9-cu dəqiqədə "şəhərlilər"in yarımmüdafiəçisi Kevin De Bröyne açıb. Dortmund təmsilçisi bu qola 84-cü dəqiqədə cavab verib. Marko Roys tarazlığı bərpa edib. Xosep Qvardiolanın komandası 90-cı dəqiqədə Fil Fodenin vurduğu qolla çətin qələbə qazanıb.
Bu komandalar arasında cavab oyunları aprelin 14-də olacaq.
Qeyd edək ki, 1/4 finalın digər 2 oyunu bu gün gerçəkləşəcək. Fransa PSJ-si Almaniyada "Bavariya"nı, İngiltərənin "Çelsi" klubu isə İspaniyadakı "Ramon Sançes Pisxuan" stadionunda Portuqaliya "Portu"sunu sınağa çəkəcək.
---------------------
Günün maraqla gözlənilən görüşü İspaniyada "Real Madrid" və İngiltərə "Liverpul"u arasında olacaq.
Hər iki komanda görüşə ciddi itkilərlə çıxacaq. "Kral klubu"nun heyətində kapitan Serxio Ramosla yanaşı, Eden Azar və Dani Karvahalın zədə səbəbindən oynamayacağı dəqiqdir. Qonaqlarda isə Vircil van Deyk, Co Qomes, Cordan Henderson və Divok Origi zədəlidir.
Günün digər matçı İngiltərədə gerçəkləşəcək. "Mançester Siti" Almaniyanın "Borussiya" (Dortmund) komandasını qəbul edəcək. "Şəhərlilər"in heyətində itki yoxdur, Dortmund təmsilçisində isə Dan-Aksel Zaqadu, Ceydon Sanço və Yussufa Mukoko zədədən əziyyət çəkir.
Bu komandaların cavab oyunları aprelin 14-də olacaq.
Çempionlar Liqası, 1/4 final
İlk oyunlar
23:00. "Real Madrid" - "Liverpul" (İngiltərə) - 3:1
Qollar: Vinisius Junior, 27; 65, Marko Asensio, 36 - Məhəmməd Salah, 51
23:00. "Mançester Siti" - "Borussiya" (Almaniya) - 2:1
Qollar: Kevin De Bröyne, 19, Fil Foden, 90 - Marko Roys, 84
