Futbol üzrə 2022-ci il dünya çempionatının Avropa zonası üzrə seçmə mərhələsində V turun daha 7 oyunu keçirilib.
Sportnet.az-ın məlumatına görə, qarşılaşmalar D, F, G və H qruplarında baş tutub.
D qrupunda Fransa səfərdə Ukraynanın müqavimətini qıra bilməyib - 1:1. F qrupunda İsrail Avstriyanı, Şotlandiya Moldovanı, Danimarka isə Farer adalarını məğlub edib.
G qrupunda yer alan Türkiyə millisi səfərdə Cəbəllütariqlə qarşılaşıb. Görüş "ay-ulduzlular"ın 3:0 qələbəsi ilə başa çatıb. Qolları 54-cü dəqiqədə Halil Dervişoğlu, 65-ci dəqiqədə Hakan Çalhanoğlu, 83-cü dəqiqədə isə Kenan Karaman vurublar. Bu qrupun digər görüşündə Niderland evdə Monteneqronu darmadağın edib.
H qrupunda isə Xorvatiya səfərdə Slovakiyaya qalib gəlib.
-----------------------------------------
Futbol üzrə 2022-ci il dünya çempionatının Avropa zonası üzrə seçmə mərhələsində V tura start verilib.
Sportnet.az-ın məlumatına görə, ilk oyun günündə 5 qrupda nəzərdə tutulan 13 qarşılaşmadan 6-sı başa çatıb.
Günün ilk görüşü D qrupunda Finlandiya və Qazaxıstan arasında olub. Görüş meydan sahiblərinin 1:0 hesablı qələbəsi ilə yekunlaşıb.
A qrupunda yer alan Azərbaycan millisi səfərdə İrlandiya ilə 1:1 hesablı heç-heçə edib. Qrupun digər matçında Serbiya evdə Lüksemburqa qalib gəlib - 4:1.
G qrupunda Norveç səfərdə Latviyadan, H qrupunda isə Rusiya Kiprdən üstün olub.
-----------------------------------------
Futbol üzrə 2022-ci il dünya çempionatının Avropa zonası üzrə seçmə mərhələsində V tura start veriləcək.
Sportnet.az-ın məlumatına görə, ilk oyun günündə 5 qrupda 13 qarşılaşma baş tutacaq.
A qrupunda yer alan Azərbaycan millisi İrlandiyanın qonağı olacaq. Qrupun digər matçında Serbiya və Lüksemburq komandaları üz-üzə gələcək.
Son dünya çempionu Fransa Ukrayna ilə qarşılaşacaq. D qrupunda həmçinin Finlandiya - Qazaxıstan görüşü də baş tutacaq.
G qrupunda mübarizə aparan Türkiyə seçməsi Cəbəllütariqin müqavimətini qırmağa çalışacaq. Bu qrupda Latviya Norveçi, Niderland isə Monteneqronu qəbul edəcək.
DÇ-2022, seçmə mərhələ
V tur
4 sentyabr
A qrupu
20:00. İrlandiya - Azərbaycan - 1:1
Qollar: Şeyn Daffi, 87 - Emin Mahmudov, 45+1
20:00. Serbiya - Lüksemburq - 4:1
Qollar: Aleksandar Mitroviç, 22; 35, Maksim Şano, 82 (avtoqol), Nikola Milenkoviç, 90+6 - Olivye Till, 77
Qırmızı vərəqə: Jerson Rodrigeş, 90+5 (Lüksemburq)
Xal durumu: Serbiya - 10, Portuqaliya - 10, Lüksemburq - 6, İrlandiya - 1, Azərbaycan - 1
D qrupu
17:00. Finlandiya - Qazaxıstan - 1:0
Qol: Yoen Pohyanpalo, 60
22:45. Ukrayna - Fransa - 1:1
Qollar: Nikolay Şaparenko, 44 - Antoni Marsyal, 50
Xal durumu: Fransa - 9 (5 oyuna), Finlandiya - 5 (3), Ukrayna - 5 (5), Bosniya və Herseqovina - 2 (3), Qazaxıstan - 2 (4)
F qrupu
22:45. Farer adaları - Danimarka - 0:0
Qol: Yonas Vind, 85
Qırmızı vərəqə: Rene Yonsen, 84 (Farer adaları)
22:45. İsrail - Avstriya - 5:2
Qollar: Manor Solomon, 5, Munas Dabbur, 20, Eran Zahavi, 33, Şon Veysman, 59, - Kristof Baumqartner, 42, Marko Arnautoviç, 55
22:45. Şotlandiya - Moldova - 1:0
Qol: Lindon Dayks, 14
Xal durumu: Danimarka - 15, İsrail - 10, Şotlandiya - 8, Avstriya - 7, Farer adaları - 1, Moldova - 1
G qrupu
20:00. Latviya - Norveç - 0:2
Qollar: Erlinq Holann, 20 (penalti), Məhəmməd Elyunussi, 66
22:45. Niderland - Monteneqro - 4:0
Qollar: Memfis Depay, 38 (penalti); 62, Corcinyo Veynaldum, 70, Kodi Qakpo, 76
22:45. Cəbəllütariq - Türkiyə - 0:3
Qollar: Halil Dervişoğlu, 54, Hakan Çalhanoğlu, 65, Kenan Karaman, 83
Xal durumu: Türkiyə - 11, Niderland - 10, Norveç - 10, Monteneqro - 7, Latviya - 4, Cəbəllütariq - 0
H qrupu
20:00. Kipr - Rusiya - 0:2
Qollar: Aleksandr Yeroxin, 6, Rifat Cəmaləddinov, 55
20:00. Sloveniya - Malta - 1:0
Qol: Sandi Lovriç, 45 (penalti)
22:45. Slovakiya - Xorvatiya - 0:1
Qol: Marselo Brozoviç, 86
Xal durumu: Rusiya - 10, Xorvatiya - 10, Sloveniya - 7, Slovakiya - 6, Malta - 4, Kipr - 4
