Türkiyənin Antalya bölgəsində təlim-məşq toplanışında olan "Zirə" sonuncu yoxlama oyununa çıxıb.
Sportnet.az-ın məlumatına görə, "qartallar" Şimali Makedoniyanın "Breqalnitsa" kollektivi ilə görüşüb. Qarşılaşma 1:1 hesabı ilə başa çatıb. Paytaxt klubunun heyətində qolu 13-cü dəqiqədə Davit Volkov vurub.
Qeyd edək ki, "Zirə" Antalyadakı ilk yoxlama matçında Macarıstan "Zeç"inə 3:5 hesabı ilə məğlub olubsa, Polşanın "Qurnik" (Leçna) komandası ilə bərabərə qalıb - 2:2.
---------------------------------------------
Türkiyənin Antalya bölgəsində təlim-məşq toplanışında olan "Neftçi" və "Qəbələ" sonuncu yoxlama oyunlarını keçirib.
Sportnet.az-ın məlumatına görə, "ağ-qaralar" Polşanın "Qurnik" (Leçna), "qırmızı-qaralar" isə Çexiyanın “Bohemians" klubu ilə qarşılaşıb.
"Neftçi"nin görüşü minimal hesabla başa çatıb. Emin Mahmudovun 53-cü dəqiqədə vurduğu qol paytaxt təmsilçisinə qələbə qazandırıb.
"Qəbələ" isə "Bohemians"a 1:3 hesabı ilə uduzub. Əyalət təmsilçisinin heyətində 75-ci dəqiqədə penaltidən İsnik Alimi fərqlənib.
Hazırlıqlarını Bakıda davam etdirən "Keşlə" və "Səbail" komandaları da növbəti dəfə üz-üzə gəliblər. Qarşılaşma heç-heçə yekunlaşıb - 1:1. Qolları müvafiq olaraq, Əfran İsmayılov və Rəhman Hacıyev vurublar.
----------------------------------------------
Türkiyənin Antalya bölgəsində təlim-məşq toplanışında olan Azərbaycanın 3 klubu bu gün sonuncu yoxlama oyununa çıxacaq.
Sportnet.az-ın məlumatına görə, "Neftçi" Polşanın "Qurnik" (Leçna) komandası ilə üz-üzə gələcək. Qarşılaşma Bakı vaxtı ilə saat 16:00-da başlayacaq.
"Zirə" Şimali Makedoniyanın "Breqalnitsa" kollektivi ilə görüşəcək. Bu oyun saat 17:00-a təyin edilib.
"Qəbələ" Çexiya “Bohemians"ı ilə münasibətlərinə aydınlıq gətirəcək. Bu matç isə saat 16:30-da başlanacaq.
Hazırlıqlarını Bakıda davam etdirən "Keşlə" və "Səbail" komandaları da növbəti dəfə üz-üzə gələcəklər. Qarşılaşmanın start fiti saat 15:00-da çalınacaq Yanvarın 18-dəki görüşdə "Keşlə" qələbə qazanıb - 2:0.
Qeyd edə ki, "Neftçi" ilk sınağında Macarıstan "Kişvarda"sı ilə 2:2 hesablı heç-heçə edib. Paytaxt təmsilçisinin Polşanın "Visla" (Plotsk) klubu ilə matçında da qalib müəyyənləşməyib - 1:1.
Polşa "Zaqlembe"sinə 1:2 hesabı ilə uduzan "Qəbələ" Şimali Makedoniyanın "Borats"ını minimal hesabla yenib - 1:0.
"Zirə" ilk yoxlama matçında Macarıstan "Zeç"inə 3:5 hesabı ilə məğlub olubsa, "Qurnik" (Leçna) komandası ilə bərabərə qalıb - 2:2.
