"Ağasəlim Mircavadov daha əvvəl “Neftçi”yə rəhbərlik edibsə, bu sahə üzrə mütəxəssisdirsə, haqlı ola bilər".
Sportnet.az xəbər verir ki, bu fikirləri "Report"a müsahibəsində "Neftçi"nin futbolçusu Voislav Stankoviç AFFA Məşqçilər Komitəsinin üzvü Ağasəlim Mircavadovun "bəzi oyunçular bu komandada oynamağa layiq deyil" fikrinə münasibət bildirərkən deyib.
35 yaşlı müdafiəçi özü futbolçu olduğu üçün bu barədə ətraflı açıqlama verə bilməyəcəyini söyləyib: "Yalnız onu deyə bilərəm ki, yeni gələn futbolçuların adaptasiyasına kömək etməli və oyunumuzu yaxşılaşdırmalıyıq. Kimin nə dediyinə şərh verə bilmərəm".
