UEFA Çempionlar Liqasında 1/8 final mərhələsinin daha 2 oyunu keçirilib.
Sportnet.az-ın məlumatına görə, qarşılaşmalar İtaliya və Avstriyada gerçəkləşib.
"İnter" "San Siro"da İngiltərə "Liverpul"una məğlub olub. Qolları Roberto Firmino 75-ci, Məhəmməd Salah isə 83-cü dəqiqədə vurub.
"Zaltsburq" isə Almaniya "Bavariya"sı ilə görüşdə qələbəni son anda əldən verib. 21-ci dəqiqədə Adamu Çikvubuykenin qoluna 90-cı dəqiqədə Kinqsli Koman cavab verib.
Cavab görüşləri martın 8-də gerçəkləşəcək.
Qeyd edək ki, 1/8 final mərhələsinin ilk iki oyununda PSJ Fransada İspaniya "Real Madrid"ini 1:0, İngiltərə "Mançester Siti"si isə Portuqaliyada "Sportinq"i 5:0 hesabı ilə yenib.
-------------------------
Bu gün futbol üzrə UEFA Çempionlar Liqasının 1/8 final mərhələsində daha iki oyun keçiriləcək.
Sportnet.az-ın məlumatına görə, hər iki qarşılaşma Bakı vaxtı ilə saat 00:00-da start götürəcək.
Gecənin ən maraqla gözlənilən görüşü İtaliyada olacaq. Son ölkə çempionu "İnter" İngiltərə "Liverpul"unu qəbul edəcək. "San Siro" stadionunda oynanılacaq görüşü polşalı FIFA referisi Şimon Marçinyak idarə edəcək.
Meydan sahiblərinin heyətində Nikola Barella cəzalı, Xoakin Korrea zədəli olduğu üçün oyunu buraxacaq. Alessandro Bastoninin meydana çıxması da sual altındadır. Qonaqlarda isə iki futbolçunun oynayıb-oynamayacağı dəqiq deyil. Bunlar Co Qomes və Divok Origidir.
Gecənin digər oyununda Almaniya "Bavariya"sı Avstriyada "Zaltsburq"la qarşılşacaq. Matçın baş hakimi ingiltərəli Maykl Oliver olacaq.
Qarşılaşma öncəsi hər iki komandanın heyətində ciddi itkilər var. Münhen klubunda qapıçı Manuel Noyer, müdafiəçi Yosip Stanişiç, yarımmüdafiəçilər Leon Qoretska, Alfonso Deyvis və Camal Musiala zədəli olduqları üçün oynamayacaqlar. Zaltsburq təmsilçisində isə Bernardo, Zlatko Yunuzoviç, Seku Koyta və Benyamin Şeşko eyni səbəbdən matçı buraxacaqlar.
UEFA Çempionlar Liqası, 1/8 final
İlk oyunlar
16 fevral
00:00. "İnter" (İtaliya) - "Liverpul" (İngiltərə) - 0:2
Qollar: Roberto Firmino, 75. Məhəmməd Salah, 83
Baş hakim: Şimon Marçinyak (Polşa)
00:00. "Zaltsburq" (Avstriya) - "Bavariya" (Almaniya) - 1:1
Qollar: Adamu Çikvubuyke, 21 - Kinqsli Koman, 90
Baş hakim: Maykl Oliver (İngiltərə)
Qeyd edək ki, 1/8 final mərhələsinin ilk iki oyununda PSJ Fransada İspaniya "Real Madrid"ini 1:0, İngiltərə "Mançester Siti"si isə Portuqaliyada "Sportinq"i 5:0 hesabı ilə yenib.
