Azərbaycan Premyer Liqasında II tura start verilib.
Sportnet.az-ın məlumatına görə, günün yeganə matçında "Zirə" "Sabah"ı qəbul edib. "Dalğa Arena"da keçirilən görüş qonaqların 3:1 hesablı qələbəsi ilə başa çatıb.
Hesab erkən qolla açılıb. Murad Musayevin baş məşqçi olduğu komanda Abdulaye Banın qolu ilə önə keçib. 26-cı dəqiqədə Coy-Lens Mikels fərqi 2 topa çatdırıb. 34-cü dəqiqədə "qartallar"ın müdafiəçisi Sertan Taşkın buraxılan qollardan birinin əvəzini çıxıb. Oyunda son nöqtəni isə 48-ci dəqiqədə Namik Ələskərov qoyub.
Ardıcıl 2-ci qələbəsini qazanan "Sabah" 6 xalla liderliyini möhkəmlədib. 3 xalı olan "Zirə" isə 5-ci pillədə qərarlaşıb.
Qeyd edək ki, turun digər qarşılaşmaları 13-14 avqustda keçiriləcək. İkinci oyun günündə "Qarabağ" "Sumqayıt"ın, "Turan Tovuz" "Səbail"in, son gündə isə "Şamaxı" "Qəbələ"nin, "Neftçi" "Kəpəz"in qonağı olacaq.
----------------------------------
Bu gün futbol üzrə Azərbaycan Premyer Liqasında II tura start veriləcək.
Sportnet.az-ın məlumatına görə, günün yeganə matçında "Zirə" "Sabah"ı qəbul edəcək. "Dalğa Arena"da keçiriləcək görüşün baş hakimi İnqilab Məmmədov olacaq.
Hərəyə 3 xalı olan komandalar "Qarabağ", "Qəbələ" və "Neftçi" ilə birlikdə 1 - 5-ci yerləri bölüşdürür.
İki kollektiv indiyədək ölkə çempionatında 15 dəfə üz-üzə gəlib. Bunların 4-də meydan sahibləri, 6-da qonaqlar qələbə qazanıb. 5 oyunda qalib müəyyənləşməyib. Topların nisbətində "Sabah"ın üstünlüyü var - 22:20.
Son 6 qarşılaşmada ən azı 2 qol qeydə alınıb. Rəşad Sadıqovun baş məşqçi olduğu komanda son 7 oyunda meydanı qolsuz tərk etməyib.
Azərbaycan Premyer Liqası
II tur
12 avqust (cümə)
19:00. “Zirə” - “Sabah” - 1:3
Qollar: Sertan Taşkın, 34 - Abdulaye Ba, 5. Coy-Lens Mikels, 26. Namik Ələskərov, 48
Hakimlər: İnqilab Məmmədov, Namiq Hüseynov, Rahil Ramazanov, Vüqar Həsənli
Hakim-inspektor: Ömər Paşayev
VAR: Rauf Cabarov
AVAR: Kamal Umudlu
“Dalğa Arena”
Qeyd edək ki, turun digər oyunları 13-14 avqustda keçiriləcək. Müvafiq olaraq, "Qarabağ" "Sumqayıt"ın, "Turan Tovuz" "Səbail"in, "Şamaxı" "Qəbələ"nin və "Neftçi" "Kəpəz"in qonağı olacaq.
