"Lunyovun bacarıqları hər kəsə bəllidir. O, yüksək ustalıq səviyyəsinə malikdir”.
Sportnet.az xəbər verir ki, bu sözləri Rusiya millisinin sabiq qapıçısı Vladimir Qabulov yerli mətbuata açıqlamasında deyib.
Mütəxəssis “Qarabağ”ın qapıçısı Andrey Lunyovu Rusiya millisinin əsas qolkiperi olmağa namizəd sayır: “Andrey səviyyəli qapıçıdır. Sadəcə, milliyə çağırılmağa deyil, komandanın birinci qapıçısı olmağa iddia edə bilər. “Qarabağ”da praktika qazanıb və öz səviyyəsini sübut edir”.
Qeyd edək ki, Andrey avrokuboklarda “Qarabağ” forması ilə keçirdiyi 8 oyunda 13 top buraxıb.
