Almaniyada təşkil olunan futbol üzrə Avropa çempionatında növbəti oyun keçirilib.
Sportnet.az xəbər verir ki, D qrupunun ikinci matçında turnirin favoritlərindən hesab olunan Fransa millisi Avstriya yığması ilə qarşılaşıb.
Görüşün taleyini bir qol həll edib. Maksimilian Vöberin 38-ci dəqiqədə öz qapısından keçirdiyi top fransızlara minimal hesablı qələbə qazandırıb.
Bu qrupun ilk oyununda Niderland millisi Polşanı 2:1 hesabı ilə məğlub edib.
Qeyd edək ki, Avropa çempionatına iyulun 14-də yekun vurulacaq.
---------------------------------------
Almaniyada keçirilən futbol üzrə Avropa çempionatının E qrupunda daha bir oyun baş tutub.
Sportnet.az xəbər verir ki, günün ikinci matçında Belçika Slovakiya ilə üz-üzə gəlib.
Qarşılaşmanın taleyini bir qol həll edib. İvan Şrants 7-ci dəqiqədə Slovakiya yığmasına qələbə qazandıran qolun müəllifi olub.
E qrupunun ilk matçında Rumıniya Ukraynanı üç cavabsız qolla üstələyib.
Qeyd edək ki, AVRO-2024 iyulun 14-də başa çatacaq.
----------------------------------
Almaniyanın ev sahibliyi etdiyi futbol üzrə Avropa çempionatında daha bir oyun keçirilib.
Sportnet.az xəbər verir ki, E qrupunda Rumıniya və Ukrayna yığmaları üz-üzə gəlib. Oyun rumınların 3:0 hesablı qələbəsi ilə yekunlaşıb.
Bu qrupun digər görüşü saat 20:00-da Belçika ilə Slovakiya seçmələri arasında olacaq.
Günün son qarşılaşmasında Avstriya və Fransa komandaları görüşəcək. Matçın start fiti saat 23:00-da səslənəcək.
Qeyd edək ki, Avropa çempionatına iyulun 14-də yekun vurulacaq.
---------------------------------------
Almaniyada keçirilən futbol üzrə Avropa çempionatında bu gün daha üç oyun baş tutacaq.
Sportnet.az xəbər verir ki, E qrupunda Rumıniya – Ukrayna və Belçika – Slovakiya matçları gerçəkləşəcək.
D qrupunda Fransa Avstriyanı sınağa çəkəcək.
AVRO-2024
D qrupu
23:00. Avstriya - Fransa
Baş hakim: Xesus Gil Manzano (İspaniya)
Düsseldorf ("Düsseldorf Arena")
E Qrupu
17:00. Rumıniya - Ukrayna - 3:0
Baş hakim: Qlenn Nuberq (İsveç)
Münxen. "Alliants Arena"
20:00. Belçika - Slovakiya
Baş hakim: Halil Umut Meler (Türkiyə)
Frankfurt. "Frankfurt Arena"
Qeyd edək ki, AVRO-2024 iyulun 14-də başa çatacaq.
