Almaniyada təşkil olunan futbol üzrə Avropa çempionatında növbəti oyunlar keçirilib.
Sportnet.az xəbər verir ki, C qrupunda İngiltərə Sloveniya ilə, Serbiya isə Danimarka ilə qolsuz heç-heçə edib.
Bu nəticədən sonra xallarını 5-ə çatdıran İngiltərə seçməsi qrup lideri olaraq 1/8 finala vəsiqə qazanıb. Danimarka seçməsi isə qrupu üç xalla ikinci sırada bitirib və növbəti mərhələyə yüksəlib.
Qeyd edək ki, Avropa çempionatında daha əvvəl Almaniya, İsveçrə, İspaniya, İtaliya, Avstriya, Fransa və Niderland seçmələri 1/8 finala vəsiqəni təmin ediblər.
--------------------------------------
Almaniyada təşkil olunan futbol üzrə Avropa çempionatında növbəti oyunlar keçirilib.
Sportnet.az xəbər verir ki, D qrupunda Fransa millisi Polşa ilə 1:1 hesablı heç-heçə edib. Matçda hər iki qol penaltidən vurulub. Fransalıların heyətində 56-cı dəqiqədə Kilian Mbappe, polşalılardan isə 79-cu dəqiqədə Robert Levandovski fərqlənib.
Bu qrupun digər görüşündə isə Avstriya yığması Niderlandı sınağa çəkib. 5 qolun vurulduğu matçda avstriyalılar gözlənilməz qələbə qazanıblar.
Beləliklə, Avstriya millisi (6 xal) qrup lideri, Fransa seçməsi (5 xal) ikinci yerin sahibi, Niderland yığması (4 xal) isə ən yaxşı qrup üçüncülərindən biri kimi 1/8 finala adlayıb. 1 xalı olan Polşa millisi isə qrupda qalıb.
Qeyd edək ki, daha əvvəl Almaniya, İsveçrə, İspaniya və İtaliya milli komandaları 1/8 finala vəsiqə əldə ediblər.
----------------------------------------------
Almaniyada təşkil olunan futbol üzrə Avropa çempionatında bu gün daha 4 oyun keçiriləcək.
Sportnet.az xəbər verir ki, C və D qruplarında da mübarizəyə yekun vurulacaq.
Günün ilk matçları D qrupunda olacaq. Fransa millisi Polşanı, Niderland yığması isə Avstriyanı sınağa çəkəcək. Görüşlər Bakı vaxtı ilə saat 20:00-da başlayacaq. Bu qrupda Polşa seçməsindən başqa, digər 3 komandanın hər birinin 1/8 finala yüksəlmək şansı var.
C qrupunda isə İngiltərə Sloveniya ilə, Serbiya isə Danimarka ilə qarşılaşacaq. Matçlar Bakı vaxtı ilə saat 23:00-da start götürəcək. Qrupda hər bir yığmanın pley-off şansı davam edir.
Qeyd edək ki, Avropa çempionatında daha əvvəl Almaniya, İsveçrə, İspaniya və İtaliya seçmələri 1/8 finala vəsiqəni təmin ediblər.
AVRO-2024
D qrupu, III tur
25 iyun
20:00. Niderland - Avstriya - 2:3
Baş hakim: İvan Krujlyak (Slovakiya).
Berlin Olimpiya Stadionu.
20:00. Fransa - Polşa - 1:1
Baş hakim: Marko Quida (İtaliya).
Dortmund, "Siqnal İduna Park".
C qrupu, 3-cü tur
23:00. İngiltərə - Sloveniya - 0:0
Baş hakim: Klement Turpin (Fransa)
Köln, “Reyn Enerqi” stadionu
23:00. Danimarka - Serbiya - 0:0
Baş hakim: Fransua Leteksye (Fransa)
Münhen, "Alyans Arena"
