AVRO-2024-ün qalibi müəyyənləşib.
Sportnet.az əbər verir ki, finalda İspaniya və İngiltərə milliləri üz-üzə gəlib.Görüşdə hesabı İspaniya açsa da, İngiltərə daha sonra tarazlığı bərpa edib. Lakin İspaniya 87-ci dəqiqədə vurduğu qolla yekun hesabı müəyyənləşdirib.
Beləliklə, Luis de la Fuentenin baş məşqçisi olduğu komanda tarixində 4-cü dəfə Avropa çempionu olub.
Qeyd edək ki, İspaniya millisi AVRO-2024-də oynadığı 7 matçın hamısında qələbə qazanıb.
-----------------------------------
Almaniyada təşkil olunan Avropa çempionatının qalibi bu gün müəyyənləşəcək.
Sportnet.az xəbər verir ki, finalda İspaniya və İngiltərə milliləri üz-üzə gələcək.
Berlindəki Olimpiya stadionunda keçiriləcək matçı fransalı hakim Fransua Leteksye idarə edəcək. Qarşılaşma Bakı vaxtı ilə saat 23:00-da başlayacaq.
AVRO-2024
Final
14 iyul
23:00. İspaniya - İngiltərə - 2:1
Qollar: Niko Uilyams, 47. Mikel Oyarzabal, 87 - Koul Palmer, 73
Baş hakim: Fransua Leteksye (Fransa)
Berlin, Olimpiya stadionu
Qeyd edək ki, İngiltərə millisi yarımfinalda Niderlanda 2:1 hesabı ilə qalib gəlib. İspaniya yığması isə Fransanı məğlubiyyətə uğradıb - 2:1.
