Türkmənistanın futzal yığması Azərbaycana gəlib. Sportnet.az-ın məlumatına görə, bu milli komanda V Asiya Oyunlarına hazırlığın növbəti mərhələsini Bakıda keçirməyi məqsədəuyğun sayıb. Həmin yarış 2017-ci ilin sentyabrında Aşqabadda keçiriləcək.
Türkmənlər ölkəmizə 24 nəfərlə gəlib ki, onların 19-u 6 klubu təmsil edən futzalçılardır. Nümayəndə heyətinə yaponiyalı baş məşqçi Keoxey Nakamura başçılıq edir. Karyerasında çempionluqları olan 49 yaşlı mütəxəssis bu ildən Türkmənistan millisinin baş məşqçisidir.
Asiya təmsilçisi paytaxtımızda dekabrın 28-dək davam edəcək təlim-məşq toplanışında 5 yoxlama oyuu keçirəcək. Rəqiblər futzal çempionatımızın yüksək liqa və birinci divizionunda çıxış edən klublar olacaq.
Qeyd edək ki, Nakamura Türkmənistandan kənarda ilk hazırlığı öz vətənində - Tokioda keçirib və yerli klublarla 6 sınaq matçında yetirməərini iş başında görüb.
