Bakıda təlim-məşq toplanışında olan Türkmənistanın futzal yığması yoxlama oyunlarını davam etdirir. Sportnet.az-ın məlumatına görə, Asiya təmsilçisi bu gün "Xəmsə" ilə keçirdiyi sınaq matçında 8:6 hesabı ilə qalib gəlib. Azərbaycan çempionarının iştirakçısı olan bu komanda 7 oyundan sonra 4-cü pillədə yer alıb.
Türkmənlər bunadək keçirdiyi yoxlama matçlarında çempion "Araz"a 3:4 hesabı ilə uduzub, "Neftçi" ilə 5:5 hesablı bərabərliyə qalıb, "Yasamal"ı 8:3 hesabı ilə məğlub edib.
Yığma Bakıda yanvarın 28-də bitəcək təlim-məşq toplanışında sonuncu matçını da klublarımızdan biri ilə keçirəcək.
