Futzal üzrə Azərbaycan milli komandası 2018-ci il Avropa çempionatının əsas seçmə mərhələsinə qələbə ilə başlayıb.
Sportnet.az-ın məlumatına görə, B qrupunun favoritlərindən hesab olunan Biro Jadenin rəhbərlik etdiyi yığma ilk görüşdə Bosniya və Herseqovina millisini üstələyib - 5:4.
Qrupdakı digər oyunda isə Macarıstan Albaniyanı 4:3 hesabı ilə məğlub edib.
Qeyd edək ki, B qrupunun bütün oyunları Bakı İdman Sarayında keçiriləcək. Azərbaycan millisi aprelin 10-da Albaniya yığması ilə qarşılaşacaq. Görüş saat 18:30-da başlayacaq.
AÇ-2018-in seçmə mərhələsi
B qrupu, I tur
8 aprel
18:30 Azərbaycan – Bosniya və Herseqovina - 5:4
Qollar: Eduardo, 3. Everton Kardozo, 18. Tyaqo Bolinya, 19; 20; 33 - Dario Markiç 7; 16. Deyan Pavloviç, 19. Srdyan İvankoviç, 40
Hakimlər: Timo Onatsu (Finlandiya), Lars van Leuven (Hollandiya)
Bakı İdman Sarayı
