Braziliyanın hüquq-mühafiizə orqanları İspaniyanın "Barselona" klubunun futbolçusu Neymarı vergidən yayınmaqda şübhəli bilir. "Sportnet.az-ın "Epoca"ya istinadən məlumatına görə, yerli vergi xidmətinin nümayəndələri bir il öncə braziliyalı hücumçunun hesablarını öyrəniblər.
Neymara qarşı ittihamın növbəti həftələrdə irəli sürüləcəyi gözlənilir. O da bildirilir ki, 23 yaşlı forvardın hesabından 2011 - 2014-cü illərdə dövr etmiş 38 milyon dollar vəsait şübhə altına düşüb.
Qeyd edək ki, Neymar bu gecə "Barselona"nın heyətində İtaliya "Yuventus"u ilə Çempionlar Liqasının final matçında iştirak edəcək.
