"Bakı 2015" I Avropa Oyunlarında Azərbaycan milli komandasının bayraqdarı müəyyənləşib. Sportnet.az-ın məlumatına görə, Milli Olimpiya Komitəsi bu vəzifəni cüdo üzrə 2015-ci ildə keçirilmiş bütün nüfuzlu yarışların qalibi Elmar Qasımova həvalə edib.
E.Qasımov iyunun 12-də Bakı Olimpiya Stadionunda keçiriləcək I Avropa Oyunlarının Açılış Mərasimində ölkələrin təntənəli keçidi zamanı Azərbaycan yığmasının önündə bayraqla hərəkət edəcək.
Qeyd edək ki, bayraqdar adına Elmar Qasımovdan əlavə, sərbəst güləş üzrə Olimpiya çempionu Toğrul Əsgərov, Avropa və dünya çempionu Hacı Əliyev, cüdo üzrə dünya çempionu Elxan Məmmədov və boks üzrə Avropa çempionu, dünya və Olimpiya mükafatçısı Teymur Məmmədov da namizəd idi. ("Report")
