"İstərdim qızıl medal qazanım. Qismət belə imiş". Sportnet.az-ın "Report"a istinadən məlumatına görə, bunu jurnalistlərə açıqlamasında "Bakı 2015" I Avropa Oyunlarında kişilər arasında kumite yarışlarında 67 kq çəki dərəcəsində bürünc medal qazanmış Azərbaycan karateçisi Niyazi Əliyev deyib.
O, xalqımız qarşısında baş əydiyini və üzr istədiyini bildirib: "Düzdür, bürünc medal da pis deyil. Keçən dəfə Burak Uyqurla Avropa çempionatında qarşılaşmışdım. Mənə təsir edən uduzmağım yox, oğlumun boynuna qızıl medal asa bilməməyimdir. O məni tribunadan izləyirdi. Heç kim istəməz ki, səhv etsin. Bu, idman şanssızlığıdır. Yarışa çox ciddi hazırlaşırdıq. Bizi dəstəkləyən hər kəsə təşəkkürümü bildirirəm".
