"Bakı 2015" I Avropa Oyunlarında qızıl medal qazanan Azərbaycan yunan-Roma güləşçisi Rəsul Çunayevi "Neftçi" İdman Klubunun prezidenti Sadıq Sadıqov da təbrik edib. Sportnet.az-ın məlumatına görə, Çunayev jurnalistlərə açıqlama verdikdən sonra Sadıqov "Netçi" futbol klubunun Müşahidə Şurasının üzvü Bəhram Bağırzadə ilə birgə otağa daxil olaraq, ona xoş sözlərini çatdırıb.
Klub prezidenti bildirib ki, hər bir şəxs üçün boynundan ölkə rəhbərinin medal asmasından fərəhli bir şey ola bilər: "Doğrudan da bizi, Azərbaycan xalqını çox sevindirdin. Çox fərəhləndik. Səni bu möhtəşəm qələbə mübasibətilə təbrik edirəm".
Daha sonra jurnalistlərin mikrofonlarına tuş gələn Sadıqov öz şərtini irəli sürüb: "Mənə futboldan sual verməyin. Bu, Avropa Oyunlarıdır. Düzdür, Oyunların proqramında çimərlik futbolu da var. Üstəlik, bu komandada da "Neftçi"nin 3 yetirməsi çıxış edir. Amma mənə futboldan sual verməyin. Bəhram müəllim bu gün mənimlə birgədirsə, deməli hər şey yaxşıdır".
