"Bakı 2015" I Avropa Oyunlarında Azərbaycan milli komandası daha 2 qızıl medal qazanıb. Sportnet.az-ın məlumatına görə, hər 2 medala karateçilərimiz sahib olub.
Əvvəlcə qadınlar arasında 68 kq çəki dərəcəsində çıxış edən İrina Zaretska finalda Alisa Tereza Buxingeri 8:1 hesabı ilə yenərək, fəxri kürsünün ən yüksək pilləsinə qalxıb. Ardından 84 kq çəkidə yer alan Ayxan Mamayev həlledici görüşdə yunanıstanlı Mixail Georgios Tzanosu üstələyib. Görüş 1:1 hesablı heç-heçə ilə nəticələnsə də, daha fəal döyüşdüyü üçün Mamayev qalib elan olunub.
Beləliklə, Azərbaycan karateçiləri I Avropa Oyunlarını 4 qızıl, 2 bürünc medalla başa vurublar.
