Bakının "İnter" və "Neftçi" klublarının sabiq futbolçusu Valter Quqlemonun atası Luis ölümlə nəticələnən yol-nəqliyyat hadisəsinin iştirakçısı olub. Sportnet.az-ın "Elpais"ə istinadən məlumatına görə, faciəvi hadisə iyunun 22-də baş verib.
Avtomobil sükanı arxasında olan Luis Kavani motosikletçini vurub. 19 yaşlı zərərçəkən xəstəxanaya çatdırılıb. Lakin onun həyatını xilas etmək mümkün olmayıb. Habelə, futbolçunun atasının qanından alkoqol tapıldığı bildirilir.
Qeyd edək ki, Luis Kavani həm də Fransa PSJ-si və Uruqvay yığmasının futbolçusu Edinson Kavaninin atasıdır.
