Bu gün DÇ-2014-ün 3-cü 1/8 final matçı keçiriləcək.
Sportnet.az-ın məlumatına görə, bu görüşdə B qrupunun qalibi Hollandiya və A
qrupunun 2-cisi Meksika yığmaları üz-üzə gələcəklər.
Qrup mərhələsində hər iki komanda xoş təsir bağışlayıb.
Meksikanın yalnız Braziliyadan geri qalması və Xorvatiya kimi güclü rəqibi
arxada qoyması, "narıncılar”a baş ağrısı
ola biləcəklərindən xəbər verir.
Hollandiya isə qrup mərhələsində dünya çempionları -
İspaniyanı darmadağın etməklə, artıq iddiasını ortaya qoyub.
29 iyun
21:00. 1/8
final. Hollandiya – Meksika 2:1
Qollar: Sneyder, 88. Huntelar, 90+4-p. - Dos Santos, 48.
Baş hakim: Pedru Proensa (Portuqaliya)
Fortaleza şəhəriri. "Kastelao” stadionu.
Start heyətlər
Hollandiya: 1. Jasper Sillessen, 2. Ron Vlaar, 3. Stefan De Vriy, 5. Daley Blind, 6. Nayçel De Yonq (4. Martins İndi-9), 20. Corcinyo Viynaldum, 9. Robin Van Persi (19. Huntelar-76), 10. Uesli Sneiyder, 11. Aryen Robben, 15. Dirk Kuyt, 12. Verhagen (21. Depay-56)
Meksika: 13. Qillerme Oçoa, 2. Fransisko Rodriqez, 3. Salsido, 4. Rafael Markez (sarı vərəqə-90+2), 6. Hektor Herrera, 7. Migel Layun, 10. Conatan Dos Santos (20. Aquino-61) 15. Hektor Moreno (46. Reyes-46), 18. Andres Kuardado (sarı vərəqə-90+3), 19. Oribe Peralta (14. Hernandez-75), 22. Pol Aqilar (sarı vərəqə-69).
Matçöncəsi maraqlı məqamlar
- Meksika Hollandiya ilə son 4 qarşılaşmada 3 məğlubiyyət, 1 heç-heçə ilə yadda qalıb.
- İki komanda sonuncu dəfə DÇ-1998-də qarşılaşıb. Meksika həmin matçda 0:2 geridən gələrək son 15 dəqiqədə 2 qol vuraraq hesabı bərabərləşdirib.
- Meksika DÇ-lərdə Avropa komandaları ilə 11 dəfə qarşılaşıb. Bu oyunlarda Meksika 4 qələbə, 5 məğlubiyyət və 2 heç-heçəyə imza atıb.
- Coni Rep 7 qolla mundiallar tarixində ən çox qol vuran hollandiyalıdır. Aktivində 6 qol olan Robben və 5 qol olan Van Persi bu rekordu qırmaq üçün can atır.
- Meksikanın DÇ-lərdə vurduğu son 12 qolun 10-u ikinci hissədə qeydə alınıb.
Matç başlayır.
3-cü dəq. Layunun zərbəsi qapının üstündən keçir.
7-ci dəq. Hələ ki, Hollandiya oyuna nəzarət edir. Oyun əsasən Meksikanın yarımmeydanında keçir.
9-cu dəq. De Yonq zədələnərək oyunu tərk edir, onu Martins İndi əvəzləyir.
12-ci dəq. Meksika uzun ötürmələrlə Hollandiya müdafiəsini yarmağa çalışsa da, hələlik bu taktika bəhrə vermir.
13-cü dəq. Layun qapı önünə ötürülən topa dəqiq vura bilmir.
17-ci dəq. Meksika hesabı açmağa yaxın olur. Herreranın zərbəsi dirəyin bir neçə sm-liyindən keçir.
19-cu dəq. Meksika bu dəqiqələrdə artırıb. Herrera cərimə meydançasında başla vurur, lakin Vlaar ona qarşı kobudluq edur. Hakim davam işarəsi verir.
24-cü dəq. Salsido uzaq məsafədən vurur, Sillesen topu meydandan çıxara bilir.
27-ci dəq. Meksika oyunun nəzarətini ələ keçirməyə çalışır.
29-cu dəq. Dos Santosun zərbəsi Sillesenin üstünə gedir.
32-ci dəq. Hava isti olduğundan hakim su fasiləsi verir.
36-ci dəq. Meksika su fasiləsindən sonra olduqca aktivləşir.
38-ci dəq. Peralta Sillesenlə üz-üzə qalır, zərbə endirməmiş müdafiəçilər hücumun qarşısını kəsir.
42-ci dəq. İlk hissənin sonlarındayıq və Hollandiya rəqib qapısına heç bir dəqiq zərbə endirə bilməyib.
43-cü dəq. Dos Santos sağ cinahda dar mövqedən zərbə endirir, Sillesen yerindədir.
45+2-ci dəq. Hollandiyanın əks hücumu, Robbenə qarşı Markes cərimə meydançasında qaydanı pozur. Hakim avropalıların təmiz penaltisini vermir.
45+4-cü dəq. Moreno zədələnərək meydanı xərəkdə tərk edir.
45+5-ci dəq. Birinci hissə başa çatır.
Fasilə
Birinci hissənin statistikası
Hollandiya Meksika56% Topa nəzarət 44%
1 Küncdən zərbə 2
1 Of-sayd 0
3 Qayda pozuntusu 5
0 Sarı vərəqə 0
0 Qırmızı vərəqə 0
İkinci hissə başlayır.
46-cı dəq. Meksikada Morenonu Dieqo Reyes əvəz edir.
48-ci dəq. QOOOOOOL! Dos Santos qüvvətli zərbə ilə hesabı açır.
53-cü dəq. Hollandiya qoldan sonra təzyiqi artırmağa çalışsa da, Meksika kompakt oyunla buna imkan vermir.
55-ci dəq. Peraltanın uzaqdan zərbəsi, Sillesen yaxşı oynayır.
56-cı dəq. Hollandiyada Verhageni Menfis Depay əvəz edir.
58-ci dəq. De Vriyin zərbəsinə Oçoa müdaxilə edir, top dirəyə dəyərək xəttin üstündən geri qayıdır.
61-ci dəq. Sneyderin zərbəsi müdafiəçilərə dəyərək qapıdan azacıq fərqlə meydanı tərk edir.
61-ci dəq. Meksikada Dos Santosu Xavyer Aquino əvəz edir.
66-cı dəq. Artıq Meksika tamamilə geri çəkilib. Hesabı qorumaq niyyətindədirlər.
68-ci dəq. Robben sağ cinahdan cərimə meydançasına daxil olarkən rəqibə ilişərək yıxılır. Penalti etirazları heç bir nəticə vermir.
69-cu dəq. Meksikada Aqilar sarı vərəqə alır. Meksika 1/4 finala çıxsa, Aqilar oyunu buraxacaq.
75-ci dəq. Robbendən əla reyd. zərbəsini endirir, Oçoa yerindədir.
75-ci dəq. Meksikada Peraltanı Xavyer Hernandez əvəz edir.
76-cı dəq. Van Persi Klas Yan Huntelarla əvəz edilir.
76-cı dəq. Daha bir su fasiləsi.
78-ci dəq. Su fasiləsi bitdi, matç davam edir.
85-ci dəq. Huntelar qapı önündə zərbə vurur. Oçoa topu çıxarsa da, yan xətt hakim of-sayd bayrağını qaldırır.
88-ci dəq. QOOOOOL! Sneyder künc zərbəsindən sonra önünə düşən topu qüvvətli zərbə ilə qapıya göndərir.
90-cı dəq. Əsas vaxta 6 dəqiqə əlavə olunur.
90+2-ci dəq. Markesin cərimə meydançasında Robbenə qarşı kobudluğuna görə hakim penalti təyin edir.
90+2-ci dəq. Markes sarı vərəqə alır.
90+3-cü dəq. Meksika Kuardado sarı vərəqə alır.
90+4-cü dəq. QOOOOOOL! Huntelar penaltini dəqiq yerinə yetirir.
90+6-cı dəq. Matç bitir, Hollandiya 1/4 finaldadır.
Matçın statistikası
Hollandiya Meksika55% Topa nəzarət 45%
10 Küncdən zərbə 2
1 Of-sayd 1
8 Qayda pozuntusu 12
0 Sarı vərəqə 3
0 Qırmızı vərəqə 0
Matçın oyunçusu: Qillerme Oçoa (Meksika)
