Peşəkar Futbol Liqası "Qəbələ" klubunun Azərbaycan Premyer Liqasının növbəti turlarındakı oyunlarının vaxtını dəyişdirib. Sportnet.az-ın məlumatına görə, dəyişiklik klubun müraciəti əsasında gerçəkləşib.
"Qırmızı-qaralar"ın Avropa Liqasındakı çıxışını nəzərə alan PFL "Qəbələ”nin VI və VII turlardakı görüşlərinin vaxtını dəyişib. VI turun "Rəvan” – "Qəbələ” matçı 27 sentyabrdan 25 sentyabra, VII turun "Qəbələ” – "Xəzər Lənkəran” matçı isə 3 oktyabrdan 4 oktyabra keçirilib.
Qeyd edək ki, "Qəbələ" Avropa Liqasında növbəti oyununu oktyabrın 1-də Rusiyada "Krasnodar"a qarşı keçirəcək.
