Bu gün DÇ-2014-də 5-ci 1/4 finalçı müəyyənləşəcək. Sportnet.az-ın məlumatına görə, 1/8 finalda E qrupunun qalibi Fransa və F qrupunun 2-cisi Nigeriya yığmaları üz-üzə gələcəklər.
İsveçrə və Honduras üzərində parlaq qələbələrdən sonra Ekvadorla qolsuz bərabərliyə qalan avropalılar cütlüyün favoriti hesab olunurlar.
Nigeriya isə Bosniya və Herseqovina yığması ilə matçda hakim xətası hesabına turnirdə hələ ki, yeganə qələbəsini qazanıb. Afrikalılar"pley-off"a yüksəlməyi bacarsalar da, sərgilədikləri futbol ürəkaçan deyil.
Lakin bu qitənin təmsilçiləri adətən dünya çempionatlarının "pley-off" mərhələrində təəccübləndirməyi bacarıblar. Fransa kağız üzərində favorit olsa da, bunun oyunda da öz əksini tapıb-tapmayacağı axşam saatlarında bilincək.
Qollar: Poqba, 79. Yobo, 90+2-avtoqol.
Baş hakim: Mark Qeyger (ABŞ)
Brazilia şəhəri. "Estadio Nasyonal" stadionu.
Start
heyətlər
Fransa: 1. Uqo Loris, 2. Matyu
Debuşi, 3. Patris Evra, 4. Rafael Varan, 21. Loran Koselni, 6. Yohan Kabaye, 8.
Matyu Valbuena (18. Sissoko-90+4), 9. Olivye Jiru (11. Qrizman-62), 19. Pol Poqba, 10. Kərim Benzema, 14. Bles
Matuidi (sarı vərəqə-54)
Nigeriya: 1. Enyeama, 2. Yozef Yobo, 5. Ambrose 7. Musa, 8.
Odemvinqe, 9. Emmanuel Emenike, 10. Con Obi Migel, 13. Oşaniva, 17. Onazi (4. Qabriel-59), 22.
Omeruo, 11. Viktor Mozes (19. Envofor-89).
Matçöncəsi maraqlı məqamlar
- Fransa və Nigeriya tarixində ikinci dəfə qarşı-qarşıya gəlir. 2009-cu ilin iyununda baş tutan ilk oyunda Nigeriya 1:0 qalib gəlmişdi.
- Fransa Afrika komandalarına qarşı oynadığı son 3 matçın 2-də məğlub olub. 2002-ci ildə Seneqala boyun əyən Fransa 2010-cu ildə də CAR-a məğlub olmuşdu. Fransızlar 2006-cı ildə isə Toqonu devirməyi bacarıb.
- Nigeriya Avropa komandalarına qarşı oynadığı son 10 DÇ matçının 9-da qol vurmağı bacarıb.
- Nigeriya mundiallarda 1/4 final oynamağı bacaran dördüncü Afrika ölkəsi olmağı hədəfləyir. Daha əvvəl Kamerun (1990), Seneqal (2002) və Qana (2010) bunu bacarmışdı.
- Nigeriya DÇ-lərdəki son 11 matçında cəmi 1 qələbə qazana bilib.
- Fransanın DÇ-2014-dəki bütün qolları cərimə meydançasının daxilindən vurulub.
- Fransa bu ana qədər 50 zərbə ilə DÇ-2014-də bu sahədə liderdir.
- Fransa 1/8 finalı keçdiyi bütün mundiallarda ən pis halda yarımfinal görüb.
Matç başlayır.
4-cü dəq. İlk təhlükəli hücumu Fransa qurur. Matuidinin qapı önünə ötürməsini müdafiə uzaqlaşdırır.
7-ci dəq. Nigeriya oyuna çox yaxşı başlayıb. Toplu hücum edirlər.
12-ci dəq. Onazi zədələnib. Həkimlər ona meydanda yardım göstərir.
17-ci dəq. Emenikenin cərimə zərbəsi yaxşı alınmır.
19-cu dəq. Emenike topu qapıdan keçirsə də, hakim oyundan kənar vəziyyət qeydə alır.
20-ci dəq. Bu dəfə də Benzema qapı önündə oyundan kənar vəziyyətə düşür.
22-ci dəq. Poqba başlatdığı hücumun sonunda yaxın məsafədən zərbə vurur, Enyeama komandasını qoldan xilas edir.
28-ci dəq. Poqbanın zərbəsi müdafiədən qayıdır, ardınca Benzema topa vura bilmir.
33-cü dəq. Evranın ötürməsinə Debuşi çox pis vurur.
36-cı dəq. Fransa təzyiqi artırıb.
39-cu dəq. Debuşinin zərbəsi təhlükəli alınır. Top qapıdan azacıq aralı keçir.
44-cü dəq. Emenike sağ cinahda gözlənilmədən zərbə endirir. Loris çətinliklə qaytarır, daha sonra Mozes topu əllə saxladığına görə hücum dayanır.
45+2-ci dəq. Birinci hissə başa çatır.
Birinci hissənin statistikası
Fransa Nigeriya47% Topa nəzarət 53%
4 Küncdən zərbə 5
3 Of-sayd 1
7 Qayda pozuntusu 7
0 Sarı vərəqə 0
0 Qırmızı vərəqə 0
İkinci hissə başlayır.
50-ci dəq. İkinci hissə nisbətən sönük başlayıb.
52-ci dəq. Mozes sağ cinahdan əlverişli vəziyyətdə vura bilmir.
54-cü dəq. Matuidi sarı vərəqə alır.
56-cı dəq. Matuidinin kobudluğundan sonra Onazi zədələnir və meydanı xərəklə tərk edir.
59-cu dəq. Nigeriyada az öncə zədələnən Onazini Qabriel əvəz edir.
62-ci dəq. Fransada Jirunu Antuan Qrizman əvəz edir.
64-cü dəq. Odemvinqenin zərbəsini Loris çətinliklə dəf edir.
70-ci dəq. Benzemanın zərbəsi qapıçını da keçir, Mozes topu xəttin üstündən çıxarır.
78-ci dəq. Əvvəlcə Benzemanın zərbəsini müdafiə xəttin üstündən çıxarır. Ardınca Valbuenanın zərbəsi dirəkdən dönür.
79-cu dəq. QOOOOOL! Künc zərbəsindən sonra Enyeama çıxışda səhvə yol verir, Poqba boşda qalan topu başla qapıya göndərir.
83-cü dəq. Qrizmanın cərimə meydançasında endirdiyi zərbəni Enyeama meydandan çıxarır.
87-ci dəq. Fransa öndə olsa belə geri çəkilmək istəmir.
89-cu dəq. Nigeriyada Mozesi Uçe Envofor əvəz edir.
90+2-ci dəq. QOOOOOL! Yobo avtoqol müəllifi olur.
90+4-cü dəq. Valbuena Musa Sissoko ilə əvəz olunur.
90+5-ci dəq. Matç başa çatır. Fransa 1/4 finaldadır.
Matçın statistikası
Fransa Nigeriya49% Topa nəzarət 51%
12 Küncdən zərbə 9
3 Of-sayd 2
12 Qayda pozuntusu 15
1 Sarı vərəqə 0
0 Qırmızı vərəqə 0
Matçın oyunçusu: Pol Poqba (Fransa)
