Azərbaycan Premyer Liqasının XIII turunda "Qarabağ”a qarşı keçirdiyi səfər oyununda "Kəpəz”ə Gəncədən gələn, eləcə də Bakıda yaşayan azarkeşləri stadiondan dəstək verib. Sportnet.az-ın "Kəpəz"in rəsmi saytına istinadən məlumatına görə, fanatlar arasında idman və şou-biznes ailəminin tanınmış simaları da olub.
Onlardan Olimpiya çempionu Toğrul Əsgərovun da adını çəkmək olar. Gəncə güləş məktəbinin yetirməsi olan pəhləvan "Kəpəz”in sadiq azarkeşlərindəndir. Oyunu boyu "sarı-göylər”ə tribunadan dəstək verən Əsgərov klub rəhbərliyi ilə də görüşərək, doğma komandasına qarşıdakı oyunlarda uğurlar arzulayıb.
Qeyd edək ki, oyun "Qarabağ"ın qələbəsi ilə yekunlaşıb - 3:0.
