"Qarabağ" klubu Avstriya "Zalsburq"u ilə Çempionlar Liqasının III təsnifat mərhələsinin ilk görüşündə Reynaldoya göstərilmiş qırmızı vərəqə ilə əlaqədar UEFA-ya şikayət edəcək. Bu barədə Sportnet.az-a klubun baş direktoru Əmrah Çəlikəl məlumat verib.
Çəlikəlin sözlərinə görə, artıq bu istiqamətdə prosesə start verilib: "Türkiyədəki vəkilimizlə əlaqə saxlayaraq, ona lazımi bilgiləri vermişik. Vəkilimiz hazırda lazımi sənədləri toplayır. UEFA-ya həm videolent formasında, həm də yazılı müraciətimiz olacaq. Matç başa çatdıqdan 24 saat ərzində apellyasiyamızı ünvanlamalıyıq. Yaxın bir saat ərzində hər bir proseduru yerinə yetirəcəyik. Fikrimdə, Reynaldoya uzaqbaşı sarı vərəqə göstərilə bilərdi. Daha düzgün rəyi mütəxəssislər verəcəklər. Amma həmin epizodda rəqib futbolçu açıq-aşkar simulyasiya etdi".
Çəlikəlin sözlərinə görə, artıq bu istiqamətdə prosesə start verilib: "Türkiyədəki vəkilimizlə əlaqə saxlayaraq, ona lazımi bilgiləri vermişik. Vəkilimiz hazırda lazımi sənədləri toplayır. UEFA-ya həm videolent formasında, həm də yazılı müraciətimiz olacaq. Matç başa çatdıqdan 24 saat ərzində apellyasiyamızı ünvanlamalıyıq. Yaxın bir saat ərzində hər bir proseduru yerinə yetirəcəyik. Fikrimdə, Reynaldoya uzaqbaşı sarı vərəqə göstərilə bilərdi. Daha düzgün rəyi mütəxəssislər verəcəklər. Amma həmin epizodda rəqib futbolçu açıq-aşkar simulyasiya etdi".
Klub rəsmisi Reynaldoya göstərilən qırmızı vərəqənin ləğv edilib-edilməyəcəyinə dair indidən nəsə deməyin çətin olduğunu da əlavə edib: "Hər halda, UEFA da istər ki, obyektivlik olsun və nahaq yerə futbolçular cəzalanmasın. Hətta rəqibin qırmızı vərəqə alan oyunçusuna belə haqsızlıq edilibsə, onun ləğvinin tərəfdarıyam. Bir sözlə, bizim üçün əsas məsələ hakimin cəzalanmasından çox Reynaldoya haqsız yerə verilən qırmızı vərəqənin ləğvidir".
Qeyd edək ki, "Qarabağ"ın 2:1 hesabı ilə qalib gəldiyi görüşdə Reynaldo rəqib futbolçuya kobudluq səbəbindən birbaşa qırmızı ilə meydandan qovulub.
Röya KƏRİMLİ
Qeyd edək ki, "Qarabağ"ın 2:1 hesabı ilə qalib gəldiyi görüşdə Reynaldo rəqib futbolçuya kobudluq səbəbindən birbaşa qırmızı ilə meydandan qovulub.
Röya KƏRİMLİ
