Voleybolçu qadınlar arasında Çempionlar Liqasında 2015-2016-cı il mövsümündə Azərbaycanı 3 komanda təmsil edəcək. Sportnet.az-ın məlumatına görə, bu barədə Avropa Voleybol Konfederasiyası (CEV) qərar qəbul edib.
Qərara əsasən, hazırda "Telekom" adlandırılan keçmiş "Rabitə" və "Lokomotiv" klubları birbaşa, "Azərreyl" isə "vayld-kart"la nüfuzlu turnirə vəsiqə qazanıb. Bu zaman CEV Azərbaycanın qadın voleybolundakı yüksək statusunu nəzərə alıb.
Ümumiyyətlə, Çempionlar Liqasında 24 komanda iştirak edəcək:
"Telekom" (Bakı, Azərbaycan)
"Lokomotiv" (Bakı, Azərbaycan)
"Prostejov" (Çexiya)
"Kann" (Fransa)
"Roşevil" (Kann, Fransa)
"Drezdner" (Almaniya)
"Alyans" (Ştutqart, Almaniya)
"Pomi" (Kasalmacciore, İtaliya)
"İqor Qorqonzola" (Novara, İtaliya)
"Ximik" (Politse, Polşa)
"Atom Trefl" (Sopot, Polşa)
"Voley Alba" (Blaj, Rumıniya)
"Dinamo" (Kazan, Rusiya)
"Dinamo" (Moskva, Rusiya)
"Uralochka-NTMK" (Yekaterinburq, Rusiya)
"Kalsit" (Kamnik, Sloveniya)
"Vizura" (Belqrad, Serbiya)
"Volero" (Sürix, İsveçrə)
"Fənərbağça" (İstanbul, Türkiyə)
"VakifBank" (İstanbul, Türkiyə)
"Eczacibaşı" (İstanbul, Türkiyə)
"Vayld kart"la qatılanlar:
"Azərreyl" (Bakı, Azərbaycan)
"Nordmekkanika" (Pyaçentsa, İtaliya)
"İmpel" (Vrotslav, Polşa)
Qeyd edək ki, püşkatma mərasimi iyulun 2-də Avstriyanın paytaxtı Vyanada keçiriləcək. Püşk nəticəsində 24 komanda 6 qrupa bölünəcək. Qrup mərhələsində ilk tur 27 - 29 oktyabrda olacaq.
