"Norveçlə oyunda 3 xal qazanmalıyıq". Sportnet.az-ın məlumatına görə, bu sözləri AFFA-nın baş katibi Elxan Məmmədov jurnalistlər üçün keçirilən brifingdə deyib.
O bildirib ki, Avro-2016-da cəmi 3 xalımız var, bu isə azdır: "Millimiz Osloda baş tutacaq oyunda qələbə qazanmaq istiqamətində isini qurub".
Azərbaycanın Serbiya ilə yoldaşlıq görüşünə gəlincə, Məmmədov bu matçın sırf futbolçuları yoxlamaq məqsədilə keçirilirdiyi söyləyib.
Baş katib Pavel Paşayevin milliyə dəvəti haqda isə bunları deyib: "Hər şey Paşayevin əlindədir. Özü də millidə çıxış üçün təşəbbüs göstərib. İnanıram ki, özünü göstərə biləcək".
